မြန်မာနိုင်ငံရှိ ရန်ကုန်ဆိပ်ကမ်း၌ ၂၀၂၆ ခုနှစ် ပထမ ၈ လအတွင်း ကုန်သေတ္တာတင် သင်္ဘော ၄၅၇ စင်း ဝင်ရောက်ဆိုက်ကပ်

မြန်မာနိုင်ငံရှိ ရန်ကုန်မြို့ရှိ ဆိပ်ကမ်းတစ်ခုအား ၂၀၂၆ ခုနှစ် စက်တင်ဘာ ၁၀ ရက်က တွေ့ရစဉ်

မြန်မာနိုင်ငံရှိ ရန်ကုန်ဆိပ်ကမ်း၌ ၂၀၂၆ ခုနှစ် ပထမ ၈ လတာအတွင်း ကုန်သေတ္တာတင်သင်္ဘော ၄၅၇ စင်း ဝင်ရောက်ဆိုက်ကပ်ခဲ့သည်ဟု မြန်မာ့ဆိပ်ကမ်း အာဏာပိုင်အဖွဲ့၏ ပြောကြားချက်ကို ကိုးကား၍ စက်တင်ဘာ ၁၀ ရက်ထုတ် နိုင်ငံပိုင် Global New Light of Myanmar သတင်းစာက ဖော်ပြခဲ့သည်။ 

ရန်ကုန်ဆိပ်ကမ်းသည် ဩဂုတ်လတွင် ကုန်သေတ္တာတင်သင်္ဘော ၅၅ စင်း ဝင်ရောက်ဆိုက်ကပ်ခဲ့ကာ လအလိုက် အမြင့်ဆုံးပမာဏမှာ ဇန်နဝါရီလက ကုန်သေတ္တာတင်သင်္ဘော ၆၃ စင်း ဝင်ရောက်ဆိုက်ကပ်ခဲ့ခြင်းဖြစ်ကြောင်း သတင်း၌ ဖော်ပြထားသည်။ စက်တင်ဘာလတွင် စုစုပေါင်း ကုန်သေတ္တာတင်သင်္ဘောအစင်းရေ ၆၁ စင်း ဝင်ရောက်ဆိုက်ကပ်ရန် စီစဉ်ထားကြောင်း သတင်း၌ ဖြည့်စွက်ဖော်ပြထားသည်။

၂၀၂၅ ခုနှစ်တွင် ရန်ကုန်ဆိပ်ကမ်းသို့ ကုန်သေတ္တာတင်သင်္ဘော ၇၂၈ စင်း ဝင်ရောက်ဆိုက်ကပ်ခဲ့ရာ ၂၀၂၄ ခုနှစ်တွင် ၆၃၃ စင်း၊ ၂၀၂၃ ခုနှစ်တွင် ၆၂၉ စင်း ဆိုက်ကပ်ခဲ့သည့်အရေအတွက်ထက် ပိုမိုမြင့်တက်လာကြောင်း အဆိုပါသတင်းအရ သိရသည်။

မြန်မာနိုင်ငံ၏ အဓိက နိုင်ငံတကာဆိပ်ကမ်းများအနက် တစ်ခုဖြစ်သော ရန်ကုန်ဆိပ်ကမ်းသည် နိုင်ငံ၏ ပုံမှန် ပို့ကုန်နှင့် သွင်းကုန်စုစုပေါင်း၏ ၉၀ ရာခိုင်နှုန်းကျော်ကို လက်ခံဆောင်ရွက်ပေးလျက်ရှိသည်။ ရန်ကုန်ဆိပ်ကမ်းတွင် ရန်ကုန်အတွင်းပိုင်းဆိပ်ကမ်းနှင့် သီလဝါအပြင်ပိုင်းဆိပ်ကမ်းတို့ ပါဝင်ပြီး စုစုပေါင်း သင်္ဘောဆိပ်ခံတံတား ၄၈ ခု ရှိကြောင်း သိရသည်။