သတ္တမအကြိမ်မြောက် လန်ချန်း-မဲခေါင် နိုင်ငံတကာရုပ်ရှင်ရက်သတ္တပတ်ပွဲတော် ပြီးဆုံး

"သဘာဝနှင့် လူမှုယဥ်ကျေးမှုရုပ်ရှင်များ၏ နိုင်ငံတကာရှုထောင့်များ" ခေါင်းစဉ်ဖြင့် ယခုအကြိမ် ရုပ်ရှင်ရက်သတ္တပတ်တွင် လန်ချန်း-မဲခေါင်ဒေသခြောက်နိုင်ငံမှ ရုပ်ရှင်လောကမှလူပုဂ္ဂိုလ်များ၊ တရုတ်ရုပ်ရှင်လုပ်ငန်းလုပ်ဆောင်သူများနှင့် မီဒီယာကိုယ်စားလှယ်များသည် စုဝေးပြီး အံ့သြဖွယ်ကောင်းသော ရုပ်ရှင်ပွဲတော်တစ်ခုကို အတူတကွ ကြည့်ရှုခဲ့ကြသည်။

မြစ်ဝှမ်းဒေသနိုင်ငံများမှ ထူးချွန်သော ရုပ်ရှင်ပေါင်း ၂၀ ကို ရွှေဆင်ရုပ်ရှင်ဆု ချီးမြှင့်ခဲ့ရာ၊ ၎င်းတို့တွင် တရုတ်ရုပ်ရှင် "စိမ်းလန်းစိုပြည်ဒီရေမြေ"နှင့် "ချန်အန်း၏လိုင်ချီးသီးများ"၊ ကမ္ဘောဒီးယားရုပ်ရှင် "မေ့ပျောက်ခံရသောကျေးရွာ"နှင့် "မနက်ဖြန်တစ်ဖန်"၊ ထိုင်းရုပ်ရှင် "စားဖိုမှူးများယှဉ်ပြိုင်ပွဲ"နှင့် "ပူပြင်းသောစကားလုံးများအတွက် စစ်မှန်သောချစ်ခြင်းမေတ္တာ"၊ လာအိုရုပ်ရှင် "အရိပ်ကိုခေါ်"နှင့် "ဆရာ၏နှလုံးသား"၊ ဗီယက်နမ်ရုပ်ရှင် "ဘိုးဘွားအိမ်"နှင့် "မင်္ဂလာဆောင်သတို့သမီး"နှင့် မြန်မာရုပ်ရှင် "အစ"နှင့် "ချစ်သူသာပန်းတစ်ပွင့်ဖြစ်ခဲ့လျှင်"တို့ ပါဝင်သည်။ ယင်းလက်ရာများသည် လန်ချန်း-မဲခေါင်ဒေသနိုင်ငံများ၏ ကြွယ်ဝသော ယဉ်ကျေးမှုအမျိုးစုံလင်မှုနှင့် ရုပ်ရှင်အနုပညာ၏ နောက်ဆုံးရအောင်မြင်မှုများကို အပြည့်အဝ ပြသနေသည်။

အခမ်းအနားတွင် ပါဝင်သူများသည် ရုပ်ရှင်သည် ဒေသတွင်းနားလည်မှုနှင့် ချစ်ကြည်မှုအတွက် အရေးပါသောပေါင်းကူးတံတား ဖြစ်ကြောင်း သဘောတူညီခဲ့ကြပြီး သဘာဝပတ်ဝန်းကျင် စောင့်ရှောက်ရေးနှင့် လူ့ယဉ်ကျေးမှုစိတ်ဓာတ်ကို ပိုမိုထင်ဟပ်စေသည့် ထူးချွန်သော လက်ရာများကို နိုင်ငံတကာစင်မြင့်သို့ ရောက်ရှိစေရန် ပူးပေါင်းဆောင်ရွက်မှုများ မြှင့်တင်ရန် လိုအပ်ကြောင်း အားလုံးက တစ်ပြေးညီ ယူဆခဲ့ကြသည်။