လန်ချန်း-မဲခေါင် လူငယ်များ တာ့လီ အယ်ဟိုင် ရေကန်နံဘေးတွင် ရေကန်ထိန်းသိမ်းကာကွယ်ရေးနှင့် စီမံခန့်ခွဲရေး ဆွေးနွေး

“လန်ချန်း-မဲခေါင် ချိန်းဆိုမှု” လူငယ် သုတေသနလေ့လာရေးနှင့် ဖလှယ်ရေးလှုပ်ရှားမှုအစီအစဉ်ကို နိုဝင်ဘာလ ၄ ရက်က ယူနန်ပြည်နယ်၊ တာ့လီ ပြည်နယ်ခွဲ၊ ကျန့်ချွမ်း ခရိုင်၌ ကျင်းပခဲ့သည်။ လန်ချန်း-မဲခေါင်မြစ်ဝှမ်းဒေသနိုင်ငံခြောက်နိုင်ငံမှ လူငယ် ရေအရင်းအမြစ်ပညာရှင်များ၊ ပညာတော်သင်များနှင့် မီဒီယာကိုယ်စားလှယ်များ စုဝေးခဲ့ကြရာ ရေကန်စီမံခန့်ခွဲရေးနှင့် ကာကွယ်ထိန်းသိမ်းရေး၊ "လန်ချန်း-မဲခေါင် အကြောင်းအရာများ"အား မည်သို့ ကောင်းမွန်စွာ ဖော်ပြရေး စသည့်အကြောင်းအရာများကို အတူတကွ ဆွေးနွေးဖလှယ်ခဲ့ကြသည်။

လူငယ် ရေအရင်းအမြစ်ပညာရှင်များသည် တာ့လီမြို့ အယ်ဟိုင် ရေကန်တွင် လက်တွေ့ကွင်းဆင်းလေ့လာပြီး လန်ချန်း-မဲခေါင်မြစ်ဝှမ်းဒေသ စဉ်ဆက်မပြတ် ဖွံ့ဖြိုးတိုးတက်မှုကို ပူးတွဲမြှင့်တင်ရန်အတွက် ရေစီမံခန့်ခွဲမှုဆိုင်ရာအကြံပြုချက်များ တက်ကြွစွာ အဆိုပြုကြပြီး အတွေ့အကြုံများကို မျှဝေကြပါသည်။