၄၇ ကြိမ်မြောက် အာဆီယံ ထိပ်သီး အစည်းအဝေးများကို မလေးရှားနိုင်ငံတွင် တရားဝင် ဖွင့်လှစ်

၄၇ ကြိမ်မြောက် အာဆီယံထိပ်သီးအစည်းအဝေးနှင့်  ဆက်စပ် ထိပ်သီးအစည်းအဝေး များကို ဒေသ စံတော်ချိန် အောက်တိုဘာလ ၂၆ ရက်နေ့ နံနက်ပိုင်းတွင် မလေးရှားနိုင်ငံ ကွာလာလမ်ပူမြို့တော်တွင် တရားဝင်ဖွင့်လှစ်ခဲ့သည်။

ယခုအကြိမ် ထိပ်သီးအစည်းအဝေးများ၏ ဆောင်ပုဒ်မှာ "သက်ညှာ ထောက် ထားမှုနှင့် ရေရှည်တည်တံ့ခိုင်မြဲမှု" ဖြစ်ပြီး အာဆီယံထိပ်သီး အစည်း အဝေး၊ အာဆီယံနှင့် ဆွေးနွေးဖက် ၇  နိုင်ငံအကြား ကျင်းပမည့် အာဆီယံ+၁ ထိပ်သီး အစည်း အဝေး၊ အာဆီယံ+၃ ထိပ်သီးအစည်းအဝေး၊ အရှေ့အာရှ ထိပ်သီး အစည်း အဝေး၊ အာဆီယံ-ကုလသမဂ္ဂ ထိပ်သီးအစည်းအဝေးနှင့် အာဆီယံ-နယူးဇီလန် ဆွေးနွေးဖက် ဆက် ဆံရေး  ထားရှိသည့် နှစ် ၅၀ ပြည့်   အထိမ်းအမှတ် ထိပ်သီးအစည်းအဝေးတို့ ပါဝင် ကြောင်း   သိရသည်။