လန်ချန်း-မဲခေါင် ပြည်သူများ၏သုခချမ်းသာကို အတူမြှင့်တင်ရန် တရုတ်နိုင်ငံနှင့် လက်တွဲဆောင်ရွက်မည်ဟု မဲခေါင်မြစ်ကော်မတီ အတွင်းရေးမှူးအဖွဲ့ CEO ပြောကြား

စတုတ္ထအကြိမ်မြောက် လန်ချန်း-မဲခေါင် ရေအရင်းအမြစ် ပူးပေါင်းဆောင်ရွက်မှုဖိုရမ်ကို စက်တင်ဘာလ ၂၄ ရက်က ဟူပေပြည်နယ် ဝူဟန့်မြို့တွင် ဖွင့်လှစ်ခဲ့သည်။ မဲခေါင်မြစ်ကော်မတီ အတွင်းရေးမှူးအဖွဲ့၏ CEO ဖြစ်သူ Busadee Santipitaks က China.com နှင့် သီးသန့်တွေ့ဆုံမေးမြန်းခန်းတွင် တရုတ်နိုင်ငံနှင့် မဲခေါင်နိုင်ငံများအကြား ပူးပေါင်းဆောင်ရွက်မှုသည် ပိုမိုနက်ရှိုင်းလာကာ ပူးတွဲသုတေသနပြုခြင်း၊ အချိန်နှင့်တစ်ပြေးညီ ဒေတာမျှဝေခြင်းနှင့် သဘာဝဘေးအန္တရာယ်ဆိုင်ရာ ညှိနှိုင်းတုံ့ပြန်ခြင်း စသည့်နယ်ပယ်များတွင် အရေးပါသောရလဒ်များ ရရှိကြောင်းပြောကြားခဲ့သည်။

"လန်ချန်း-မဲခေါင်ခြောက်နိုင်ငံက တွေ့ဆုံဆွေးနွေးမှုနဲ့ ပူးပေါင်းဆောင်ရွက်မှုအပေါ် အခြေခံပြီး အမြဲတမ်း လုပ်ဆောင်ခဲ့တယ်"ဟု Santipita မှ ပြောကြားခဲ့သည်။ “မြစ်ညာနိုင်ငံတစ်ခုအနေနဲ့ တရုတ်နိုင်ငံရဲ့ အကျိုးဆောင်မှုက ကျွန်တော်တို့အတွက် အလွန်အရေးကြီးပါတယ်”ဟု ၎င်းက ပြောကြားခဲ့သည်။

Santipita က ဇလဗေဒဆိုင်ရာ ‌ဒေတာမျှဝေမှုသည် မကြာသေးမီနှစ်များအတွင်း အရေးကြီးဆုံး တိုးတက်မှုများအနက် တစ်ခုဖြစ်ကြောင်း၊ ၂၀၀၂ ခုနှစ်မှစတင်၍ တရုတ်နိုင်ငံ ရေအရင်းအမြစ်ဝန်ကြီးဌာနသည် မဲခေါင်မြစ်အတွင်းရေးမှူးအဖွဲ့သို့ ရေတိုးကာလဆိုင်ရာ ဇလဗေဒ‌ဒေတာများကို ပေးအပ်ခဲ့ပြီး ၂၀၂၀ ပြည့်နှစ် နိုဝင်ဘာလမှစတင်၍ ၎င်းကို တစ်နှစ်ပတ်လုံး ဒေတာမျှဝေခြင်းသို့ တိုးချဲ့ခဲ့ကြောင်း ထုတ်ဖော်ပြောကြားသည်။ “ဒီဒေတာတွေ ကျွန်တော်တို့ကို စဉ်ဆက်မပြတ်ဘဲ တည်ငြိမ်စွာ ထောက်ပံ့ပေးနေပါတယ်”ဟု ၎င်းက ပြောကြားခဲ့သည်။ “အထူးသဖြင့် မိုးရာသီမှာ ရေကြီးရေလျှံမှု ကြိုတင်ကာကွယ်ရေးအစီအမံတွေ ချမှတ်ဖို့က မြစ်အောက်ပိုင်းနိုင်ငံတွေအတွက် အလွန် တန်ဖိုးရှိပါတယ်”ဟု ၎င်းက ပြောသည်။

ရေရှည်ရေအရင်းအမြစ်စီမံခန့်ခွဲမှုသည် ကုလသမဂ္ဂ စဉ်ဆက်မပြတ်ဖွံ့ဖြိုးတိုးတက်ရေး ရည်မှန်းချက်များနှင့် ကင်းကွာ၍ မရကြောင်း ၎င်းက အလေးပေးပြောကြားခဲ့သည်။ “ရာသီဥတု ပြောင်းလဲမှုရဲ့သက်ရောက်မှုက နေ့စဥ်ပိုမိုထင်ရှားလာပါတယ်။ ဒါက ကျမတို့ အတူတကွ ကိုင်တွယ်ဖြေရှင်းရမည့်စိန်ခေါ်မှုတစ်ခု ဖြစ်တယ်။ မြစ်ဝှမ်းတစ်ခုလုံးရဲ့အလုံးစုံစီမံခန့်ခွဲမှုနဲ့ လက်ရှိ ပူးပေါင်းဆောင်ရွက်မှုယန္တရားများကို အခြေခံပြီး ဒီစိန်ခေါ်မှုဖြေရှင်းဖို့ လိုအပ်တယ်”ဟု ၎င်းက ပြောကြားသည်။

အဆိုပါဖိုရမ်အကြောင်း ပြောကြားရာတွင် Santipita က ယင်းပလက်ဖောင်း၏ ပင်ကိုယ်တန်ဖိုးအလွန်ကြီးမားကြောင်း ယူဆသည်။ “ဒီဖိုရမ်ကတစ်ဆင့် ကျမတို့က တစ်ဦးနဲ့ တစ်ဦး သင်ယူလေ့လာနိုင်တယ်၊ ညှိနှိုင်းဆောင်ရွက်မှုကို မြှင့်တင်နိုင်တယ်၊ နည်းပညာကျွမ်းကျင်မှုများနဲ့ အသိပညာမျှဝေခြင်းရဲ့အခန်းကဏ္ဍကို အပြည့်အဝ အသုံးချနိုင်တယ်၊ တစ်ဆင့်နီးကပ်စွာ ပူးပေါင်းဆောင်ရွက်ပြီး ရေကြီးမှုဘေးကို ပိုမိုကောင်းမွန်စွာ ကာကွယ်၊ လျှော့ချနိုင်တယ်”ဟု ၎င်းက ပြောကြားသည်။

ယခုနှစ်သည် မဲခေါင်မြစ်ကော်မရှင် တည်ထောင်ခြင်း နှစ် ၃၀ ပြည့် နှစ်ပတ်လည် ဖြစ်သည်။ “အဓိကအချက်က တွေ့ဆုံဆွေးနွေးမှုများနဲ့ ပူးပေါင်းဆောင်ရွက်မှုများ ဖြစ်တယ်၊  တရုတ်နိုင်ငံနဲ့ ပလက်ဖောင်းတည်ဆောက်မှုကို စဉ်ဆက်မပြတ် ခိုင်မာစေတယ်”ဟု ယင်းအဖွဲ့အစည်း၏ ဖွံ့ဖြိုးတိုးတက်မှုလမ်းခရီးကို ပြန်၍ အောက်မေ့စဥ် Santipita က ပြောသည်။

အနာဂတ်ကို မျှော်ကြည့်လာရာတွင် ၎င်းက ရာသီဥတု လိုက်လျောညီထွေရှိအောင် မြှင့်တင်ခြင်း၊ နည်းပညာနှင့် ငွေကြေးပံ့ပိုးကူညီမှုများကို ရယူခြင်းနှင့် ကြိုတင်သတိပေးစနစ်များ ထူထောင်ခြင်း စသော အဓိကရည်မှန်းချက်များကို အဆိုပြုခဲ့သည်။ "ဒါဟာ အပြုသဘောနဲ့ တည်ဆောက်မှုသဘောဆောင်တဲ့ ပူးပေါင်းဆောင်ရွက်မှုတစ်ရပ်ပါပဲ"ဟု သူမ ပြောသည်။ “တရုတ်နိုင်ငံနဲ့ ပူးပေါင်းဆောင်ရွက်မှုကို အားကောင်းလာခြင်းက ခေတ်မီနည်းပညာတွေ၊ အတွေ့အကြုံတွေကို ကျမတို့ အသုံးချနိုင်ဖို့ ခိုင်မာစွာ သေချာစေမယ်။ နိုင်ငံအသီးသီးရဲ့လိုအပ်ချက်များကို ကောင်းကောင်း ဖြည့်ဆည်းနိုင်မယ်။ မဲခေါင်မြစ်ဝှမ်းပြည်သူများရဲ့ အသက်မွေးဝမ်းကြောင်းနှင့် ကောင်းကျိုးတို့ကို လက်တွေ့စောင့်ရှောက်နိုင်မယ်”ဟု ၎င်းက ပြောကြားသည်။