အဏ္ဏဝါနည်းပညာမှ “စည်းကြပ်ခွန် ကောက်ခံမှုမရှိသည့်” ကော်ဖီစေ့အစိမ်းများအထိ ဟိုင်နန် လွတ်လပ်စွာကုန်သွယ်ရေးဆိပ်ကမ်း၏ “ဆွဲဆောင်မှု” ကို အာဆီယံမိတ်ဖက်များ လက်တွေ့ ခံစားသိမြင်ရခြင်း

သြဂုတ်လ ၁၈ ရက်နေ့မှ ၂၄ ရက်နေ့အထိ ကျင်းပသွားမဲ့ “China Walk ဟိုင်နန်ခရီးစဉ်” ပြည်တွင်းပြည်ပမီဒီယာများ ပူးပေါင်းသတင်းယူခြင်း အစီအစဉ်မှာ အင်ဒိုနီးရှား၊ ထိုင်း အစရှိတဲ့ အာဆီယံနိုင်ငံပေါင်း ၉ နိုင်ငံက မီဒီယာအဖွဲ့အစည်း ၁၆ ခုရဲ့သတင်းထောက်များဟာ စန်းယ၊ ချုံဟိုင်၊ ဝမ့်နင်၊ လိန်ဆွေအစရှိတဲ့ မြို့ကြီးနဲ့ခရိုင်ကြီးများကို သွားရောက်လေ့လာခဲ့ကြပြီး ဟိုင်နန် လွတ်လပ်စွာကုန်သွယ်ရေးဆိပ်ကမ်းရဲ့ ဖွံ့ဖြိုးတိုးတက်မှုလျှို့ဝှက်ချက်နဲ့ ပြည်ပကို တံခါးဖွင့်လှစ်မှု စွမ်းအားများအကြောင်း အဖြေဖော်ထုတ်သွားမှာဖြစ်ပါတယ်။

တရုတ်နိုင်ငံရဲ့ပထမဆုံး စက်ဝိုင်းပုံသဏ္ဌာန်စမ်းသပ်ရေကန် သုတေသနစင်တာ မှ အလွန်ပြင်းထန်သော ပင်လယ်ရေပြင်အခြေအနေ ရေလှိုင်းစုစည်းစမ်းသပ်မှုရေကန် သုတေသနစင်တာဟာ စန်းယ-ယာကျိုးပင်လယ်အော် သိပ္ပံနည်းပညာမြို့တော်မှာတည်ရှိပါတယ်။ ဒီစမ်းသပ်ကန်ဟာ တခြားလေးထောင့်ရေကန်တွေမှာ ပြုလုပ်လို့မရနိုင်တဲ့ မြင်ကွင်းပုံတူပြုလုပ်မှုကို ပြုလုပ်နိုင်တဲ့အပြင် လေ၊ လှိုင်း၊ ရေစီးဆင်းမှု အစရှိတဲ့ လုပ်ဆောင်ချက်ပေါင်းစုံကို ပူးတွဲထားနိုင်စွမ်း ရှိပြီး အဏ္ဏဝါနည်းပညာနဲ့အင်ဂျင်နီယာစက်ကိရိယာများအတွက် ပင်လယ်သမုဒ္ဒရာပတ်ဝန်းကျင် အထွေထွေစမ်းသပ်မှု ပလက်ဖောင်းအဖြစ် ဆောင်ရွက်ပေးနိုင်ပါတယ်။

ဗီယက်နမ်နိုင်ငံ “Tiền Phong” (Vanguard) သတင်းစာ အယ်ဒီတာရုံးချုပ်ရဲ့ သတင်းအကြောင်း အရာ တာဝန်ခံ ဘေမင်လုံ (Bùi Minh Long) က “ တရုတ်နိုင်ငံက အဏ္ဏဝါစီးပွားရေးနဲ့ အဏ္ဏဝါသုသေတနကဏ္ဍတွေမှာ အတွေ့အကြုံအများအပြားနဲ့ အောင်မြင်မှုကြီးကြီးမားမား ရရှိထားတာမို့လို့ သုတေသနစမ်းသပ်မှုများမှာ ကျွန်တော်တို့ ပူးပေါင်းပါဝင်ဆောင်ရွက်နိုင်ပြီးတော့ စမ်းသပ်မှုအကျိုးရလဒ်များကို လူနေမှုဘဝထဲမှာ အသုံးပြုလာနိုင်စေဖို့ မျှော်လင့်ထားပါတယ်” ဟု ပြောကြားခဲ့သည်။

 “အထူးဆေးကုသခွင့်” အစရှိတဲ့ ရှေ့ပြေးစမ်းသပ်မှုများရဲ့ ဟိုင်နန်လွတ်လပ်စွာကုန်သွယ်ရေး ဆိပ်ကမ်းမူဝါဒအားသာချက် အကျိုးကျေးဇူးများကြောင့် Bo’ao-Le Cheng အပြည်ပြည်ဆိုင်ရာ ဆေးဘက်ဆိုင်ရာ ခရီးသွားလာရေးလုပ်ငန်း ရှေ့ပြေးဇုန်ဟာ ကမ္ဘာတစ်ဝှမ်းက အရည်အသွေးမြင့် ဆေးကုသမှု အရင်းအမြစ်နှင့် စားသုံးမှုများကို ဆွဲဆောင်လျက်ရှိနေပါတယ်။ ယခုနှစ် ဇန်နဝါရီလ မှ ဇူလိုင်လအထိ အဆိုပါဒေသမှာ ဆေးဘက်ဆိုင်ရာ ခရီးသွားလာမှု လူဦးရေ ၃၄၆,၉၀၀ လက်ခံရရှိခဲ့ ပြီး ယမန်နှစ်ထက် ၄၈ ဒသမ ၇၈ ရာခိုင်နှုန်းတိုးလာပါတယ်။

လာအိုအမျိုးသား သတင်းအေဂျင်စီမှ သတင်းထောက် ဆာဗက်ပါ ကီမာနီယောင် (Savahpa Keomaniyong) က “ တရုတ်နိုင်ငံရဲ့ ကျန်းမာရေးဆိုင်ရာ ခရီးသွားလုပ်ငန်းနယ်ပယ်မှ ပြည်ပကို တံခါးဖွင့်လှစ်ပေးမှုနဲ့ တီထွင်ဆန်းသစ်မှုတို့ဟာ လာအိုနဲ့ တခြား အာဆီယံနိုင်ငံများက အရည်အသွေးမြင့် ကျန်းမာရေးစောင့်ရှောက်မှု လိုအပ်နေသူတွေအတွက် တံခါးသစ်တစ်ခုကို ဖွင့်ပေးလိုက်တာပါပဲ” ဟု ပြောကြားခဲ့ပါတယ်။

အပူပိုင်းဇုန်ထွက် စိုက်ပျိုးသီးနှံများရဲ့ ကိုယ်စားပြုအနေဖြင့် ကော်ဖီစေ့အစိမ်းကို ဟိုင်နန်လွတ်လပ်စွာကုန်သွယ်ရေးဆိပ်ကမ်း “စည်းကြပ်ခွန် ကောက်ခံမှုမရှိခြင်း” စာရင်းထဲမှာ ထည့်သွင်းလာတာကြောင့် လုပ်ငန်းများအတွက် စည်းကြပ်ခွန်သက်သာစေပြီး ကုန်ချောတန်ဖိုး ထပ်တိုးနှုန်းဟာ ၃၀ ရာခိုင်နှုန်းအထိရှိလာခဲ့ရင် ပြည်မကြီးကို စည်းကြပ်ခွန်ကင်းလွတ်စွာ ဖြန့်ချိ‌ရောင်းချနိုင်မှာဖြစ်ပါတယ်။

       အင်ဒိုနီးရှားနိုင်ငံ Voice Of Indonesia ရေဒီယိုအသံလွှင့်ဌာနမှ ရေဒီယိုသတင်းကြေညာသူ က “လွတ်လပ်စွာကုန်သွယ်ရေးဆိပ်ကမ်းရဲ့ စည်းကြပ်ခွန်ကောက်ခံမှုမရှိခြင်းမူဝါဒက အင်ဒိုနီးရှားနိုင်ငံနဲ့ ဟိုင်နန်ပြည်နယ်ရဲ့ ပူးပေါင်းဆောင်ရွက်မှုကို ပိုမိုတိုးမြင့်လာစေမယ်လို့ ကျွန်မ ယုံကြည်ပါတယ်။ လွတ်လပ်စွာကုန်သွယ်ရေးဆိပ်ကမ်းဦးစားပေးမူဝါဒက ကော်ဖီကူးသန်း ရောင်းဝယ်ရေး နှစ်နိုင်ငံပူးပေါင်းဆောင်ရွက်မှုကို အရှိန်မြှင့်တင်ရန် အခွင့်အရေးကောင်းပေးခဲ့ပါတယ်” လို့ ပြောကြားခဲ့ပါတယ်။