၁၅၄ ကြိမ်မြောက် တရုတ်-လာအို-မြန်မာ-ထိုင်း မဲခေါင်မြစ်ကြောင်း ပူးပေါင်းကင်းလှည့်ခြင်းနှင့် တရားဥပဒေ စိုးမိုးရေး ဆောင်ရွက်ခြင်း စတင်

ဇွန်လ ၂၄ ရက်နေ့ နံနက် ၉ နာရီတွင် တရုတ်သင်္ဘော ၅၃၁၀၁၊ ၅၃၁၀၇ နှင့် ၅၃၁၀၈ တို့သည် ယူနန်ပြည်နယ်  ဆစ်ဆောင်ပနား ရှိ ကျင်ဟာ ဆိပ်ကမ်းနှင့် ကွမ်လေ ဆိပ်ကမ်းမှ ထွက်ခွာခဲ့ပြီး တစ်ချိန်တည်းတွင် လာအိုနှင့် မြန်မာ ဥပဒေ စိုးမိုးရေး သင်္ဘောများသည် လာအိုမွန်မို ဆိပ်ကမ်းနှင့် မြန်မာ ဝမ်ဘန်း ဆိပ်ကမ်းတို့မှ ရွက်လွှင့်ခဲ့ပြီး မဲခေါင်မြစ်ရေပြင် အချို့တွင် စုစည်းပြီး ၁၅၄ ကြိမ်မြောက် တရုတ်-လာအို-မြန်မာ-ထိုင်း မဲခေါင်မြစ်ကြောင်း ပူးပေါင်းကင်းလှည့်ခြင်းနှင့် တရား ဥပဒေ စိုးမိုးရေး တာဝန်ကို စတင်ဆောင်ရွက်ခဲ့ပါသည်။

မကြာခင်ရက်များက ဖိတ်ကြားချက်အရ ၂၀၂၅ ခုနှစ် ဒုတိယသုံးလပတ်တွင် မဲခေါင်မြစ်ပေါ်တွင် တရုတ်-လာအို-မြန်မာ-ထိုင်း ပူးပေါင်းကင်းလှည့်ခြင်းနှင့် တရားဥပဒေ စိုးမိုးရေး ဆိုင်ရာ ၄ နိုင်ငံ ယဉ်ကျေးမှုနှင့် အားကစားဖလှယ်ရေး လှုပ်ရှားမှုများတွင် ပါဝင်ခဲ့သည့်  ဥပဒေ ကျင့်သုံးရေး အရာရှိ ၁၀၀ ကျော်က "ကျန်းမာသောဘဝ၊ စိမ်းလန်းပြီး မူးယစ်ဆေးဝါးကင်းစင်ရေး" ဟူသော ဆောင်ပုဒ်ဖြင့် မူးယစ်ဆေးဝါး တိုက်ဖျက်ရေး လက်မှတ်ရေးထိုး လှုပ်ရှားမှုကို ပူးတွဲပြုလုပ်ခဲ့ကြပါသည်။ ယင်းလှုပ်ရှားမှုပြုလုပ်ခြင်းဖြင့် မူးယစ်ဆေးဝါးနှင့် သက်ဆိုင်သော ရာဇ၀တ်မှုများကို ပူးပေါင်းတိုက်ဖျက်ရန် ၄ နိုင်ငံမှ တရားဥပဒေစိုးမိုးရေး ဌာနများ၏ ယုံကြည်မှုစိတ်ဓာတ်နှင့် စိတ်ပိုင်းဖြတ်မှုကို ခိုင်မာစေခဲ့ပါသည်။