ထိုင်းသည် နိုင်ငံဖြတ်ကျော် လိမ်လည်မှုကို တိုက်ဖျက်ရန် အင်တာနက် အသုံးပြုခွင့်ကို ဖြတ်တောက်ပြီး Starlink ၏Bug ကိုလည်း ပိတ်ပင်ရန် ကြိုးစားနေ
CGTN, February 21, 2025
Size：
ထိုင်းနိုင်ငံသည် နိုင်ငံဖြတ်ကျော် လိမ်လည်မှုများကို တိုက်ဖျက်ရန်အတွက် နယ်စပ်ဒေသများမှ ပြဿနာရှိသော အင်တာနက် ချိတ်ဆက်မှု ဝန်ဆောင်မှုများ တချို့ကို ဖြတ်တောက်လိုက်ပြီး လိမ်လည်သူများအနေနှင့် Starlink အင်တာနက် ဝန်ဆောင်မှုကို ပြောင်းလဲ အသုံးချမှုကို တားမြစ်ရန် တစ်ချိန်တည်းတွင်ပင် အိမ်နီးချင်းနိုင်ငံများအား အကူအညီတောင်းနေပြီဖြစ်ကြောင်း ထိုင်းနိုင်ငံမှ ဒုဝန်ကြီးချုပ်၊ ဒစ်ဂျစ်တယ်စီးပွားရေးနှင့် လူမှုရေး ဝန်ကြီး ပရာဆယ် က ၁၁ ရက်နေ့က ပြောကြားခဲ့သည်။
လိမ်လည်မှု အုပ်စုများသည် ထိန်းချုပ်မှုကို ရှောင်လွှဲရန်အတွက် ပတ်လမ်းနိမ့် ဂြိုဟ်တု အင်တာနက် ဝန်ဆောင်မှု ဖြစ်သော Starlink သို့ ပြောင်းလဲ အသုံးချနိုင်ဖွယ်ရာရှိသည်ဟု ထိုင်းနိုင်ငံက သတိပြုမိနေပြီဖြစ်ကြောင်း၊ ထိုင်းနိုင်ငံသည် ယင်း Bug ကို ပိတ်ပင်ရန် အိမ်နီးချင်းနိုင်ငံများနှင့် ပူးပေါင်းလုပ်ဆောင်ရန်အတွက် ကြိုးပမ်းနေကြောင်း၊ Starlink စက်ပစ္စည်းများကို ထိုင်းနိုင်ငံတွင် အသုံးပြုရန် ခွင့်ပြုချက် မရရှိသေးသော်လည်း ထိုင်းနိုင်ငံတွင် သက်ဆိုင်ရာ စက်ပစ္စည်းများ တရားမဝင် ရောင်းဝယ်မှုများ ရှိနေပြီ ဖြစ်ကြောင်း ပရာဆယ် က ပြောကြား ခဲ့ပါသည်။