လန်ချန်း-မဲခေါင်နိုင်ငံခြောက်နိုင်ငံ၏ စိတ်တူကိုယ်တူ ကပ်ရောဂါတိုက်ဖျက်မှုက ကုန်သွယ်ရေးကို အခက်အခဲများကြား တိုးတက်မှု ရရှိစေ

၂၀၂၀ ပြည့်နှစ်ကတည်းက ကမ္ဘာလုံးဆိုင်ရာကပ်ရောဂါများနှင့် ရာစုနှစ်ဟောင်း အပြောင်းအလဲများ ရောယှက်ရှုပ်ထွေးသောအခြေအနေမျိုးတွင် လန်ချန်း-မဲခေါင်နိုင်ငံခြောက်နိုင်ငံသည် စိတ်တူကိုယ်တူ ကပ်ရောဂါ တိုက်ဖျက်ပြီး စည်းလုံးညီညွတ်မှုအင်အားဖြင့် ဖွံ့ဖြိုးတိုးတက်ရေးကို ကြိုးပမ်းဆောင်ရွက်ခဲ့ရာ ကုန်သွယ်မှု ပူးပေါင်းဆောင်ရွက်မှုကဏ္ဍတွင် လန်ချန်း-မဲခေါင်ခြောက်နိုင်ငံသည် အခက်အခဲများကြားမှ တိုးတက်မှုကို ရရှိခဲ့ကြောင်း ယူနန်တက္ကသိုလ်၏ ယခုရက်ပိုင်းများက နိုင်ငံတကာဆက်ဆံရေးအင်စတီကျု၏ ထုတ်ပြန်သော "လန်ချန်း-မဲခေါင် ပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေးအစီရင်ခံစာ (၂၀၂၂)" က ဖော်ပြခဲ့သည်။

၂၀၂၀ ပြည့်နှစ်တွင် တရုတ်နှင့် မဲခေါင်မြစ်ဝှမ်းငါးနိုင်ငံကြား ကုန်သွယ်မှုပမာဏသည် အမေရိကန်ဒေါ်လာ ၃၂၂.၉ ဘီလီယံအထိ ရှိသည်။ ၎င်းတို့အနက် လယ်ယာထွက်ကုန်ကုန်သွယ်မှုပမာဏသည် အမေရိကန်ဒေါ်လာ ၂၄ ဘီလီယံအထိ ရောက်ရှိခဲ့ပြီး နှစ်ခုစလုံးသည် ပြီးခဲ့သည့်နှစ်ကာလတူထက် တိုးတက်မှု ၁၂ ရာခိုင်နှုန်းခန့် တိုးတက်မှု ရရှိခဲ့သည်။ ၂၀၂၁ ခုနှစ်တွင် တရုတ်နှင့် မဲခေါင်နိုင်ငံများကြား ကုန်သွယ်မှုပမာဏသည် စဥ်ဆက်မပြတ် ပုံမှန်တိုးတက်ခဲ့ရာ အမေရိကန်ဒေါ်လာ ၃၉၈ ဘီလီယံအထိ ရောက်ရှိခဲ့ပြီး ပြီးခဲ့သည့်နှစ်ကာလတူထက် ၂၃ ရာခိုင်နှုန်း တိုးတက်လာခဲ့သည်။ လယ်ယာထွက်ကုန်များ၏ ကုန်သွယ်မှုပမာဏမှာ အမေရိကန်ဒေါ်လာ ၂၈.၂ ဘီလီယံခန့် ရှိပြီး ပြီးခဲ့သည့်နှစ်ကာလတူထက် ၁၈.၆ ရာခိုင်နှုန်း တိုးမြင့်လာခဲ့သည်။ ရင်းနှီးမြှုပ်နှံမှု ပူးပေါင်းဆောင်ရွက်မှုကဏ္ဍတွင် မဲခေါင်ဒေသတွင်းရှိ တရုတ်လုပ်ငန်းများ၏ ရင်းနှီးမြှုပ်နှံမှုပမာဏသည် အကြိမ်ကြိမ် စံချိန်တင်မြင့်မားလာခဲ့သည်။ စိုက်ပျိုးရေး၊ အထည်ချုပ်နှင့် အီလက်ထရွန်နစ်စက်မှုဇုန်များတွင် ပူးပေါင်းဆောင်ရွက်မှုကို စဉ်ဆက်မပြတ် နက်ရှိုင်းအောင် မြှင့်တင်နိုင်ခဲ့ကာ တရုတ်နှင့် မဲခေါင်နိုင်ငံများကြား စီးပွားရေးနှင့် ကုန်သွယ်မှုဆက်ဆံရေး၏ မဏ္ဍိုင်သစ် ဖြစ်လာကာ စီးပွားရေးတိုးတက်မှုအခြေအနေသစ်ကို ဖန်တီးပေးခဲ့သည်။ စဉ်ဆက်မပြတ် ဖွံ့ဖြိုးတိုးတက်ရေး ပူးပေါင်းဆောင်ရွက်မှုကဏ္ဍတွင် ခြောက်နိုင်ငံသည် "လန်ချန်း-မဲခေါင် သဘာဝပတ်ဝန်းကျင် ပူးပေါင်းဆောင်ရွက်ရေးမဟာဗျူဟာ(၂၀၁၈-၂၀၂၂)"ကို တက်ကြွစွာ အကောင်အထည်ဖော်ခဲ့သည်။ "အစိမ်းရောင် လန်ချန်း-မဲခေါင်စီမံကိန်း"ကို တွန်းအားပေးဖော်ဆောင်ခဲ့ရာ ကုလသမဂ္ဂ ၂၀၃၀ စဉ်ဆက်မပြတ် ဖွံ့ဖြိုးတိုးတက်ရေးအစီအစဉ်ကို လန်ချန်း-မဲခေါင်ဒေသသည် အကောင်အထည်ဖော်ရာတွင် အထောက်အကူဖြစ်စေခဲ့သည်။ "အစိမ်းရောင်၊ ကာဗွန်နည်း၊ ရေရှည်တည်တံ့သော အခြေခံအဆောက်အအုံဆိုင်ရာ အသိပညာ မျှဝေခြင်းပလပ်ဖောင်း"နှင့် "ရေရှည် အသက်မွေးဝမ်းကျောင်းမှုဆိုင်ရာ ဂေဟစနစ်စီမံခန့်ခွဲမှု မြှင့်တင်ရေးသရုပ်ပြဇုန် " စသည့်စီမံကိန်းများကို အောင်မြင်စွာ စတင်နိုင်ခဲ့ပါသည်။