တရုတ်နိုင်ငံခြားရေးဝန်ကြီးက SCO အစည်းအဝေးတွင် မဟာဗျူဟာမြောက် သီးခြားလွတ်လပ်မှု၊ လုံခြုံရေးဆိုင်ရာ ပူးပေါင်းဆောင်ရွက်မှုအတွက် တိုက်တွန်း

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ချင်ကန်းသည် ရှန်ဟိုင်းပူးပေါင်းဆောင်ရွက်မှုအဖွဲ့ (SCO) အဖွဲ့ဝင်နိုင်ငံများအနေဖြင့် မဟာဗျူဟာမြောက် သီးခြားလွတ်လပ်မှုနှင့် နက်ရှိုင်းသော လုံခြုံရေး ပူးပေါင်းဆောင်ရွက်မှုကို ထိန်းသိမ်းရန် မေ ၅ ရက်က တိုက်တွန်းခဲ့သည်။

ကမ္ဘာကြီးသည် စစ်အေးခေတ်သဘောထား တစ်ကျော့ပြန်ဖြစ်ပွားမှု ၊ တစ်ဖက်သတ် ကိုယ်ကျိုးစီးပွားကာကွယ်ရေးဝါဒဆီ ဦးတည်မှု အသွင်ဆောင်သည့် မြောက်များစွာသော အကျပ်အတည်းများနှင့် စိန်ခေါ်မှုများကို ရင်ဆိုင်နေရသလို ဗိုလ်ကျစိုးမိုးမှုဝါဒနှင့် အာဏာနိုင်ငံရေးအခြေအနေလည်း မြင့်တက်နေကြောင်း ချင်က SCO နိုင်ငံခြားရေးဝန်ကြီးများအစည်းအဝေး၌ မိန့်ခွန်း၌ ထည့်သွင်းပြောကြားခဲ့သည်။

နိုင်ငံတကာအခြေအနေက ပိုမိုရှုပ်ထွေးလေ၊ ကမ္ဘာကြီးနှင့် ဒေသတွင်းရေးရာများ၌ အဓိကကျ၍ အပြုသဘောဆောင်သော အင်အားအဖြစ် SCO က ပိုမိုခိုင်မာလေဖြစ်ကာ ရှန်ဟိုင်းစိတ်ဓာတ်ကို ပြသရမည်ဖြစ်ကြောင်း တရုတ်နိုင်ငံခြားရေးဝန်ကြီးက ပြောခဲ့သည်။

ထို့ပြင် ကံကြမ္မာအကျိုးတူ SCO အသိုက်အဝန်းတစ်ရပ် တည်ဆောက်ရေး အဆိုပြုချက် ၅ ချက်ကိုလည်း ချင်က ပြောကြားခဲ့သည်။ (Xinhua)