တရုတ်နိုင်ငံနှင့် အလယ်အာရှနိုင်ငံများကြား ကုန်သွယ်ရေးခိုင်မာတောင့်တင်းမှု စံချိန်တင်
Yunnan Gateway, April 19, 2023
Size：
တရုတ်နိုင်ငံနှင့် ကာဇက်စတန်၊ ကာဂျစ်စတန်၊ တာဂျစ်ကစ္စတန်၊ တာ့ခ်မင်နစ္စတန်နှင့် ဥဇဘက်ကစ္စတန် စသည့် အလယ်အာရှနိုင်ငံ ၅ နိုင်ငံကြား ကုန်သွယ်ရေးသည် ခိုင်မာသော တိုးတက်မှုအရှိန်ကို ထိန်းထားလျက်ရှိကြောင်း တရုတ် စီးပွားရေးဝန်ကြီး ဝမ်ဝန်ထောင်းက ဧပြီ ၁၈ ရက်က ပြောကြားခဲ့သည်။
ယခုနှစ် ပထမနှစ်လအတွင်း တရုတ်နိုင်ငံနှင့် အဆိုပါ အလယ်အာရှငါးနိုင်ငံကြား ကုန်သွယ်ရေးသည် ယမန်နှစ်ကထက် ၂၂ ရာခိုင်နှုန်း မြင့်တက်ခဲ့ကြောင်း ခြောက်နိုင်ငံ၏ စီးပွားရေးနှင့် ကုန်သွယ်ရေးဝန်ကြီးများကြား ဗီဒီယိုလင့်ခ်မှတစ်ဆင့် ပြုလုပ်သော အစည်းအဝေး၌ ဝမ်က ပြောကြားခဲ့သည်။
တရုတ်နိုင်ငံနှင့် ထိုငါးနိုင်ငံကြား ကုန်သွယ်မှုသည် ယခင်နှစ်က အမေရိကန်ဒေါ်လာ ၇၀.၂ ဘီလီယံရှိခဲ့ပြီး သမိုင်းဝင် မြင့်မားသောပမာဏဖြစ်ကြောင်း ဝမ်က ဆိုသည်။ ၂၀၂၂ ခုနှစ်တွင် တရုတ်နိုင်ငံက ယင်းငါးနိုင်ငံမှ လယ်ယာထွက်ကုန်၊ စွမ်းအင်နှင့် သတ္တုတွင်းလုပ်ငန်းထွက်ကုန်များ တင်သွင်းမှုသည် ၅၀ ရာခိုင်နှုန်း မြင့်တက်ခဲ့ပြီး တရုတ်၏ စက်ယန္တရားနှင့် လျှပ်စစ်ထုတ်ကုန်ပစ္စည်း ပို့ကုန်မှာလည်း ၄၂ ရာခိုင်နှုန်း တိုးတက်ခဲ့ကြောင်း သိရသည်။ (Xinhua)