တရုတ်အသွင်ပုံစံခေတ်မီရေးမှာ ဖွံ့ဖြိုးဆဲနိုင်ငံများအတွက် ဖွံ့ဖြိုးတိုးတက်ရေးလမ်းကြောင်း သစ်များနှင့် အတုယူဖွယ်ရာများ ထောက်ပံ့ပေးသည်ဟု လာအိုဒုတိယဝန်ကြီးချုပ်၊ နိုင်ငံခြားရေးဝန်ကြီး ဆို

တရုတ်နိုင်ငံတွင် အလည်အပတ်ရောက်ရှိနေသည့် လာအိုနိုင်ငံ ဒုတိယဝန်ကြီးချုပ်၊ နိုင်ငံခြားရေးဝန်ကြီး Saleumxay Kommasith သည် ဧပြီလ ၁၇ရက်နေ့က China Media Group မှ သတင်းထောက်နှင့် တွေ့ဆုံရာတွင် တရုတ်အသွင်ပုံစံခေတ်မီရေးမှာ လာအိုနိုင်ငံ အပါအဝင် ဖွံ့ဖြိုးဆဲနိုင်ငံများအတွက် ဖွံ့ဖြိုးတိုးတက်ရေးလမ်းကြောင်းသစ်များနှင့် အတုယူ ဖွယ်ရာများ ထောက်ပံ့ပေးကြောင်း ပြောကြားခဲ့ပါသည်။

Saleumxay Kommasith က လာအို-တရုတ်မီးရထားလမ်းသည် လာအိုနိုင်ငံမှ ခေတ်မီဖွံ့ဖြိုးတိုးတက်ရေးအမြန်လမ်းသို့ ဝင်ရောက်စေကြောင်း၊ လာအို-တရုတ် မီးရထားလမ်းသည် လာအို-တရုတ်နှစ်နိုင်ငံအကြား ကူးလူးဆက်ဆံမှုကို ပိုမိုလွယ်ကူ အဆင်ပြေစေကြောင်း၊ ပိုမိုအရေးကြီးသည်မှာ လာအိုနိုင်ငံနှင့် အရှေ့တောင်အာရှနိုင်ငံများ အကြား လမ်းကြောင်းဖောက်ပေးခြင်း ဖြစ်ကြောင်း၊ ယခု လာအိုနိုင်ငံတွင် လမ်းပန်း ဆက်သွယ်ရေးအဆင်ပြေသကဲ့သို့ လူများသွားလာမှုလည်း များပြားလာကြောင်း၊ လာအို-တရုတ်မီးရထားလမ်း၏ အကျိုးကျေးဇူးကြောင့် မကြာသေးမီက လာအိုနိုင်ငံသည် ၂၀၂၃ခုနှစ်တွင် ကမ္ဘာပေါ်၌ ခရီးသွားလာရန် အကောင်းဆုံးနေရာ ၂၅ခုထဲတွင် တစ်ခု အပါအဝင်အဖြစ် အရွေးခံရကြောင်း ပြောကြားခဲ့ပါသည်။