Special Yunnan Lifestyle | တရုတ်-မြန်မာနယ်စပ်မှ တိုင်းရင်းသားအဆိုအကအဖွဲ့နှင့်အတူ တိုင်တိုင်းရင်းသားအက ကပြဖျော်ဖြေကြစို့
Yunnan Gateway, April 10, 2023
Size：
မကြာသေးမီက အင်တာနက်ပေါ်တွင် "နွေဦး တိုင်တိုင်းရင်းသားအက စိန်ခေါ်မှုပြိုင်ပွဲ" သည် တစ်ဟုန်ထိုး ရေပန်းစားလာခဲ့သည်။ တေးသံအဖြစ် တိုင်တိုင်းရင်းသားအကသီချင်း "နန်းရှီမီ (Nanximi)"သည် အင်တာနက်ပေါ်တွင်လည်း ရေပန်းစားလာခဲ့သည်။ အဆိုပါအကသီချင်း၏ ရေးဖွဲ့တီထွင်မှုအဖွဲ့မှာ ယူနန်ပြည်နယ် လင်ချန်းမြို့ ကိန့်မ တိုင်၊ ဝ တိုင်းရင်းသား ကိုယ်ပိုင်အုပ်ချုပ်ခွင့်ရခရိုင် တိုင်းရင်းသားအဆိုအကအဖွဲ့ဖြစ်သည်။
လွန်ခဲ့သော ၁၀ နှစ်ကျော်က ကိန့်မခရိုင် တိုင်းရင်းသားအဆိုအကအဖွဲ့တွင် သရုပ်ဆောင်ဖျော်ဖြေသူ ၇ ဦးသာ ကျန်ရှိတော့ပြီး လက်ရာအသစ်များ မထုတ်လုပ်သည်မှာ ကြာမြင့်နေပြီဖြစ်သည်။ ဖွံ့ဖြိုးတိုးတက်မှုအကျပ်အတည်းများမှ လွတ်မြောက်ရန်အတွက် ၂၀၁၂ ခုနှစ်တွင် ၎င်းအဆိုအကအဖွဲ့၏ အဖွဲ့ခေါင်းဆောင်အဖြစ် ခန့်အပ်ခံခဲ့ရသော ဝမ်ဖုန်းသည် သရုပ်ဆောင်များအား ဒေသအနှံ့အပြားသို့ နက်နက်ရှိုင်းရှိုင်း ဝင်ရောက်လေ့လာခဲ့ပြီး အနုပညာရှင်ဟောင်းများနှင့် ဒြပ်မဲ့ယဥ်ကျေးမှုအမွေအနှစ်ဆက်ခံသူများထံ သွားရောက်လည်ပတ်ခဲ့သည်။ တိုင်လူမျိုးတို့၏ ရိုးရာသမင်နီအက၊ လက်ဝှေ့သိုင်းနှင့် ရိုးရာရှေးဟောင်းတေးဂီတကို စုဆောင်းကာ လက်ရာမြောက်သော အနုပညာအဖြစ် ပြန်လည်ဖန်တီးကြပါသည်။
မဆုတ်မနစ် ကြိုးစားပြီးနောက်၊ ယခုတွင်မူ အဆိုပါအဆိုအကအဖွဲ့သည် ပျမ်းမျှအသက် ၂၀ နှစ်အောက် လူ ၃၂ ဦးရှိပြီး တရုတ်နိုင်ငံရှိ ဖျော်ဖြေပွဲများနှင့် ပြိုင်ပွဲအမျိုးမျိုးတွင် အသိအမှတ်ပြုမှု ကျယ်ကျယ်ပြန့်ပြန့် ခံခဲ့ရကြောင်းသိရသည်။ (ဆောင်းပါးအရင်းအမြစ် - ဆင်ဟွာသတင်းဌာန။ ဘာသာပြန် - Yunnan gateway)