ကူမင်းမြို့ လူဝင်မှုကြီးကြပ်ရေးစခန်းသည် တရုတ်-မြန်မာလူငယ်များ ရေပေါ်အားကစား ချစ်ကြည်ရေးပြိုင်ပွဲတွင် ပါဝင်သည့် မြန်မာနိုင်ငံကိုယ်စားလှယ်အဖွဲ့အတွက် ထိရောက်သော ပြည်ဝင်ပြည်ထွက်စစ်ဆေးခြင်း ဝန်ဆောင်မှုကို ပံ့ပိုးပေးခဲ့

ယခုရက်ပိုင်းတွင် တရုတ်-မြန်မာလူငယ်များ ရေပေါ်အားကစား ချစ်ကြည်ရေးပြိုင်ပွဲတွင် ပါဝင်သည့် မြန်မာနိုင်ငံ ကိုယ်စားလှယ်အဖွဲ့သည် ကူမင်းလေဆိပ်မှတစ်ဆင့် အမိနိုင်ငံကို ပြန်ရောက်ကြပါသည်။ ကူမင်းမြို့ လူဝင်မှုကြီးကြပ်ရေးစခန်းသည် အထူးလမ်းကြောင်း ဖွင့်လှစ်ကာ အဆိုပါကိုယ်စားလှယ်အဖွဲ့ကို ဘေးကင်းပြီး လျင်မြန်စွာ ပြည်ဝင်ပြည်ထွက် စစ်ဆေးစေနိုင်ရန် အထောက်အကူပြုသည့်အတွက်ကြောင့် မြင့်မားသော ချီးကျူးမှု ခံခဲ့ရပါသည်။

"မင်္ဂလာပါ၊ ကျေးဇူးပြု၍ အထူးလမ်းကြောင်းကို ဖြတ်သန်းပါ။" ထိုနေ့တွင် လေယာဉ် UB806 ဖြင့် လိုက်ပါမည့် မြန်မာကိုယ်စားလှယ်အဖွဲ့သည် လူဝင်မှုကြီးကြပ်ရေးစောင့်ဆိုင်းရာနေရာသို့ ဝင်ရောက်ပြီး နိုင်ငံခြားဘာသာစကား စေတနာ့ဝန်ထမ်းအဖွဲ့မှ တာဝန်ကျနေသည့် ရဲများသည် အထူးလမ်းကြောင်းသို့ စိတ်ပါလက်ပါ လမ်းညွှန်ပေးခဲ့ပါသည်။ ၎င်းကိုယ်စားလှယ်အဖွဲ့ဝင်များအတွက် ပြည်ဝင်ပြည်ထွက် စစ်ဆေးရေးလုပ်ထုံးလုပ်နည်းများကို မိနစ် ၂၀ ခန့်ဖြင့် အပြီးသတ် လုပ်ဆောင်ပေးခဲ့ပါသည်။

"တရုတ်နိုင်ငံမှာ ကျွန်တော်တို့ ပါဝင်ယှဉ်ပြိုင်ခဲ့ရတဲ့အတွက် အထူးပင် ဝမ်းမြောက်ဝမ်းသာဖြစ်မိပါတယ်။ တရုတ်လူဝင်မှုကြီးကြပ်ရေးရဲတွေက အရမ်းသဘောကောင်းကြပါတယ်။" ပြည်ဝင်ပြည်ထွက် စစ်ဆေးရေးလုပ်ထုံးလုပ်နည်းများကို ပြီးမြောက်ပြီးနောက် အဆိုပါကိုယ်စားလှယ်အဖွဲ့မှ နည်းပြဆရာက သက်ဆိုင်ရာလက်မှတ်ကို ယူဆောင်ကာ ကူမင်းမြို့ လူဝင်မှုကြီးကြပ်ရေးစခန်းမှ ရဲများအား လက်မထောင်ပြခဲ့သည်။

ကူမင်းလေဆိပ်တွင် ပြည်ဝင်ပြည်ထွက် လေယာဥ်ခရီးစဉ်များ ပြန်လည်စတင်လာသည်နှင့်အမျှ ခရီးသည်များ အဆက်မပြတ် တိုးများလာသဖြင့် ကူမင်းမြို့ လူဝင်မှုကြီးကြပ်ရေးစခန်းသည် ပြည်ဝင်ပြည်ထွက်စစ်ဆေးရေးအတွက် လမ်းညွှန်မှုကိုအားကောင်းစေရန် မြှင့်တင်ပေးကာ လူဝင်မှုကြီးကြပ်ရေးအလုပ်တွင်ကျယ်မှုကို စဥ်ဆက်မပြတ် တိုးမြှင့်လျက်ရှိကြောင်း သိရပါသည်။ (ဆောင်းပါးအရင်းအမြစ် - YUNNAN.CN။ ဘာသာပြန် - Yunnan gateway)