တရုတ်-မြန်မာ နယ်စပ်ဒေသတွင် ၂၀၂၃ ခုနှစ် ဂျိမ်းဖောတိုင်းရင်းသား မနောအကပျော်ပွဲရွှင်ပွဲ အတူဆင်နွှဲကြစို့

တရုတ်-မြန်မာနယ်စပ်ရှိ ရွှေလီမြစ်ဘေးတွင် တယ်ဟုန် တိုင်၊ ဂျိမ်းဖောတိုင်းရင်းသားကိုယ်ပိုင်အုပ်ချုပ်ခွင့်ရပြည်နယ်ခွဲ သည် တရုတ်နိုင်ငံ အနောက်တောင်ပိုင်း နယ်စပ်ဒေသတွင် မြှုပ်နှံထားသည့် တောက်ပသော ပုလဲဖြစ်ပါသည်။

နှစ်စဉ်နှစ်တိုင်း တရုတ်သက္ကရာဇ် ပထမလ၏ ၁၅ ရက်နေ့နှင့် ၁၆ ရက်နေ့များတွင် မနောအကပျော်ပွဲရွှင်ပွဲ ကျင်းပလေ့ရှိပြီး ဒေသအသီးသီးမှ ဂျိမ်းဖောတိုင်းရင်းသားများသည် မနောရင်ပြင်သို့ သွားရောက်ကာ စုရုံးကြသည်။ အဆိုပါပျော်ပွဲရွှင်ပွဲ ဆင်နွှဲသည့် လူတိုင်းသည် သစ်သားဗုံနှင့် မောင်းများကို တီးခတ်ရင်းနှင့် တူညီသော ဒရမ်ဖြင့် “ထောင်နှင့်ချီသော လူတို့၏ အကပွဲတော်” ကို ကပြကြပြီး ခမ်းနားထည်ဝါသော အက လှေကားထစ်များ၏ အသံသည် တောတောင်များကိုပင် တုန်လှုပ်စေပါသည်။

ဂျိမ်းဖောတိုင်းရင်းသား မနောအကပျော်ပွဲရွှင်ပွဲသည် "စုဝေးပြီး ကခုန်ခြင်း"ဟု အဓိပ္ပာယ်ရပါသည်။ "ကောင်းကင်ဘုံ၏ အက" နှင့် "လူတစ်သောင်း၏ အကပွဲတော်" ဟူ၍လည်း ခေါ်ဝေါ်ပါသည်။ ဂျိမ်းဖောတိုင်းရင်းသားတို့၏ အခမ်းနားဆုံးနှင့် စိတ်လှုပ်ရှားဖွယ်အကောင်းဆုံးသော ရိုးရာပွဲတော်ဖြစ်ပြီး ကောင်းမွန်သော ရိတ်သိမ်းမှု ရရှိနိုင်ပါစေ၊ ကျက်သရေမင်္ဂလာအပေါင်းနှင့်ပြည့်စုံပါစေနှင့် ချမ်းမြေ့သာယာပါစေဟု ဆုတောင်းပေးကြပါသည်။

ယခုနှစ် ဂျိမ်းဖောတိုင်းရင်းသား မနောအကပျော်ပွဲရွှင်ပွဲသည် စတင်ကျင်းပနေပြီ ဖြစ်ပါသည်။ တရုတ်-မြန်မာနယ်စပ်တွင် ပျော်ပျော်ပါးပါး ကခုန်ပြီး တစ်မူထူးခြားသော တိုင်းရင်းသားဓလေ့ထုံးစံများကို အတူ ခံစားကြပါစို့။

ဖေဖော်ဝါရီ ၄ ရက်နေ့မှ ၆ ရက်နေ့အထိ ၃၉ ကြိမ်မြောက် လုံချွမ်းခရိုင် ဖုန်းရှိန်ထုံးကိန်း မနောအကပျော်ပွဲရွှင်ပွဲကို လုံချွမ်းခရိုင် ကျင့်ဟန်မြို့နယ် ဖုန်းရှိန်တွင် ကျင်းပသည်။

ဖေဖော်ဝါရီ ၅ ရက်နေ့မှ ၇ ရက်နေ့အထိ မန်စီမြို့ ဂျိမ်းဖောတိုင်းရင်းသား မနောအကပျော်ပွဲရွှင်ပွဲနှင့် ရှီးစန်းကျေးရွာအုပ်စုအဖွဲ့ အကြိမ် ၂၀ မြောက် မနောအကပျော်ပွဲရွှင်ပွဲကို ရှီးစန်းကျေးရွာအုပ်စုအဖွဲ့ရှိ မနောအကပျော်ပွဲရွှင်ပွဲ ယဥ်ကျေးမှုဥယျာဥ်ဇုန်တွင် ကျင်းပသည်။

ဖေဖော်ဝါရီ ၁၀ ရက်နေ့မှ ၁၂ ရက်နေ့အထိ ရင်ကျန်းခရိုင် ၂၀၂၃ ခုနှစ် ဂျိမ်းဖောတိုင်းရင်းသား မနောအကပျော်ပွဲရွှင်ပွဲကို ယွမ်ရန်တောင်ရှိ ဂျိမ်းဖောတိုင်းရင်းသား ယဉ်ကျေးမှုဥယျာဥ်တွင် ကျင်းပမည်ဖြစ်ပါသည်။ (ဆောင်းပါးအရင်းအမြစ် - တယ်ဟုန်မီဒီယာအုပ်စုအဖွဲ့။ ဘာသာပြန် - Yunnan gateway)