မြန်မာနိုင်ငံဆိုင်ရာတရုတ်သံရုံးမှ မြန်မာနိုင်ငံ ကျန်းမာရေးဝန်ကြီးဌာနသို့ အောက်ဆီဂျင်စက် အလုံး ၅၀၀ ပေးအပ်လှူဒါန်း

သြဂုတ်လ ၃၁ ရက်နေ့တွင် မြန်မာနိုင်ငံဆိုင်ရာတရုတ်သံရုံးမှ မြန်မာနိုင်ငံ ကျန်းမာရေးဝန်ကြီးဌာနသို့ လှူဒါန်းသော အောက်ဆီဂျင်စက် (Oxygen Concentrator) အလုံး ၅၀၀ မန္တလေးသို့ အဆင်ပြေချောမွေ့စွာ ပို့ဆောင်ရောက်ရှိပြီး မြန်မာဘက်သို့ လွှဲပြောင်းပေးအပ်ခဲ့ပါသည်။ ၎င်းပစ္စည်းများ၏ စုစုပေါင်းတန်ဖိုးမှာ တရုတ်ယွမ်ငွေ ၂.၅ သန်းခန့် ဖြစ်ပါသည်။

မြန်မာနိုင်ငံ၌ ကိုဗစ်-၁၉ ကပ်ရောဂါ တတိယလှိုင်း ဖြစ်ပွားလာစဉ် မြန်မာနိုင်ငံ အခက်တွေ့နေချိန်၌ တရုတ်နိုင်ငံမှ နည်းလမ်းရှာ၍ အကူအညီများ ပေးအပ်ခဲ့ပါသည်။ မြန်မာနိုင်ငံသို့ ကိုဗစ်-၁၉ Vaccine၊ အောက်ဆီဂျင်စက် နှင့် နှာခေါင်းစည်း စသည့် ပစ္စည်းအများအပြား လှူဒါန်းပေးခဲ့ပြီး နယ်စပ်ကုန်ပစ္စည်းဖြတ်သန်းရေး အထူးလမ်းကြောင်း ဖွင့်လှစ်ကာ မြန်မာနိုင်ငံ ကပ်ရောဂါတိုက်ဖျက်ရေးအတွက် အားကောင်းစွာ ကူညီပေးခဲ့ပါသည်။