ກອງ​ປະ​ຊຸມເວ​ທີ​ປຶກ​ສາ​ຫາ​ລື​ກ່ຽວ​ກັບທ່າ​ອຽງ​ການ​ຮ່ວມ​ມື​ດ້ານ​ເສດ​ຖະ​ກິດ​ພາກ​ພື້ນ APEC ​ປີ 2026 ຈັດ​ຂຶ້ນ​ຢູ່​ມາ​ເລ​ເຊຍ

CRI,    November 09, 2026
Size:

ວັນທີ 5 ພະຈິກນີ້, ກອງປະຊຸມເວທີປຶກສາຫາລືກ່ຽວກັບທ່າອຽງການຮ່ວມມືດ້ານເສດຖະກິດພາກພື້ນຂອງອົງການຮ່ວມມືເສດຖະກິດອາຊີ-ປາຊີຟິກ ຫຼື APEC ປີ 2026 ໄດ້ຈັດຂຶ້ນຢູ່ນະຄອນຫຼວງກົວລາລຳເບີ ປະເທດມາເລເຊຍ. ກອງປະຊຸມຄັ້ງນີ້ຈັດຂຶ້ນໂດຍສະໂມສອນເພື່ອນມິດເສັ້ນທາງສາຍໄໝມາເລເຊຍ, ໂດຍມີຜູ້ຕາງໜ້າລັດຖະບານ ແລະ ນັກວິຊາການຈາກຈີນ ແລະ ມາເລເຊຍ 200 ກວ່າຄົນເຂົ້າຮ່ວມ. 

ທ່ານ ນູ ຈາລານ ບິນ ໂມຮາເມັດ ຮອງປະທານສະພາສູງຂອງມາເລເຊຍ ໄດ້ກ່າວຄຳປາໄສ ໂດຍສະແດງຄວາມຫວັງທີ່ຈະຊຸກຍູ້ການສ້າງຂອບການຮ່ວມມືທີ່ເນັ້ນໃສ່ການປະຕິບັດຕົວຈິງ ແລະ ມຸ່ງໜ້າສູ່ອະນາຄົດ ເພື່ອສ້າງປະຊາຄົມອາຊີ-ປາຊີຟິກທີ່ມີຄວາມເຂັ້ມແຂງ. ມາເລເຊຍພວມສຸມກຳລັງສ້າງເປັນສູນກາງລະດັບພາກພື້ນທີ່ມີການລົງທຶນມູນຄ່າສູງ, ມີຕ່ອງໂສ້ມູນຄ່າວັດສະດຸເຄິ່ງຕົວນຳ ຫຼື ເຊມີຕອນດັກເຕີ, ພະລັງງານສີຂຽວ ແລະ ເສດຖະກິດິຈິຕອນ, ພ້ອມນີ້ ທ່ານຍັງສະແດງຄວາມຫວັງທີ່ຈະລົງເລິກການຮ່ວມມືໃນຂົງເຂດຕ່າງໆກັບຈີນ. 

ທ່ານ ກົ່ວເສີນທ່າວ ອັກຄະລັດຖະທູດຈີນປະຈຳມາເລເຊຍ ໄດ້ນຳສະເໜີການອອກແບບໂດຍລວມຂອງ “ປີຈີນ” ຂອງ APEC, ການກະກຽມວຽກງານ  ແລະ ຄວາມຄືບໜ້າຫຼ້າສຸດ, ພ້ອມທັງກ່າວວ່າ: ຈີນຄອງຄອຍທີ່ຈະຮ່ວມກັບມາເລເຊຍເພື່ອລົງເລິການຮ່ວມມືໃນພາກພື້ນ ແລະຮ່ວມກັນສ້າງປະຊາຄົມ APEC.