ວັນທີ 19 ກັນຍານີ້, ພິທີເປີດສັບປະດາໂຄງການພັດທະນາຊາວໜຸ່ມຈີນ-ອາຊຽນໄດ້ຈັດຂຶ້ນຢູ່ນະຄອນໜານໜິງເຂດປົກຄອງຕົນເອງເຜົ່າຈ້ວງກວາງຊີຈີນ ໂດຍມີຫົວໜ້າອົງການຈັດຕັ້ງຊາວໜຸ່ມ ແລະ ຜູ້ຕາງໜ້າໂຄງການພັດທະນາຊາວໜຸ່ມຈາກຈີນ ແລະ ບັນດາປະເທດສະມາຊິກອາຊຽນປະມານ 120 ຄົນເຂົ້າຮ່ວມ.
ທ່ານທອງລີ ສີສຸລິດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວກ່າວວ່າ: ສັບປະດາໂຄງການດັ່ງກ່າວແມ່ນເວທີອັນລ້ຳຄ່າສຳລັບຊາວໜຸ່ມໃນການແລກປ່ຽນຄວາມຄິດ ແລະ ຮ່ວມກັນເສີມສ້າງວິໄສທັດໃໝ່ສຳລັບອະນາຄົດ. ພາຍໃຕ້ສະພາບການຂອງໂລກ ແລະ ພາກພື້ນມີການປ່ຽນແປງຢ່າງວ່ອງໄວ, ການພັດທະນາຂອງຊາວໜຸ່ມ ແລະ ການເພີ່ມທະວີການພົວພັນລະຫວ່າງຈີນ-ອາຊຽນຄວນຖືກເບິ່ງວ່າເປັນຄວາມພະຍາຍາມທີ່ມີຄວາມໝາຍທາງຍຸດທະສາດ ແລະ ຕໍ່ເນື່ອງ.
ສັບປະດາໂຄງການໄດ້ຄັດເລືອກໂຄງການພັດທະນາຊາວໜຸ່ມ 50 ກວ່າໂຄງການຈາກຈີນ ແລະ ບັນດາປະເທດສະມາຊິກອາຊຽນ ເພື່ອຊຸກຍູ້ການຮ່ວມມືຕົວຈິງລະຫວ່າງຊາວໜຸ່ມຈີນກັບອາຊຽນ ໂດຍຜ່ານຮູບການຕ່າງໆ ເຊັ່ນ: ການຝຶກອົບຮົມຈາກຄູອາຈານ, ການທົດລອງໂຄງການ, ການແບ່ງປັນກໍລະນີສຶກສາ ແລະ ການຈັບຄູ່ໂຄງການເປັນຕົ້ນ.