
ວັນທີ 20 ສິງຫານີ້, ພິທີປິດໂຄງການ “ສົ່ງເສີມບ້ານຕົວແບບຫຼຸດຜ່ອນຄວາມທຸກຍາກດ້ວຍການປະດິດສ້າງໃນເຂດສາມຫຼ່ຽມປາກແມ່ນ້ຳລ້ານຊ້າງ-ແມ່ນ້ຳຂອງ” ເຊິ່ງໄດ້ຮັບການສະໜັບສະໜູນຈາກກອງທຶນພິເສດການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ໄດ້ຈັດຂຶ້ນຢູ່ບ້ານໂອປິນຊູ, ຕາແສງ ນຽງດອນ,ແຂວງອີຣະວະດີ ປະເທດມຽນມາ.
ໃນໂອກາດປະກອບຄຳເຫັນ, ທ່ານ ເສີນຕ່ານ, ອຸປະທູດຊົ່ວຄາວສະຖານທູດຈີນປະຈຳມຽນມາ ກ່າວວ່າ: ໃນຊຸມປີຜ່ານມາ, ກອງທຶນແມ່ນ້ຳລ້ານຊ້າງ-ແມ່ນ້ຳຂອງໄດ້ສະໜັບສະໜູນມຽນມາຈັດຕັ້ງປະຕິບັດໂຄງການຮ່ວມມືຫຼຸດຜ່ອນຄວາມທຸກຍາກໃນຊົນນະບົດແບບ “ໂຄງການນ້ອຍແຕ່ໄດ້ຮັບປະສິດທິຜົນສູງ” ຫຼາຍໂຄງການ, ແລະ ໄດ້ຮັບໝາກຜົນທີ່ດີ. ຈີນຈະສືບຕໍ່ລົງເລິກການຮ່ວມມືທີ່ຕິດແທດຕົວຈິງກັບມຽນມາພາຍໃຕ້ຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ເພື່ອຊຸກຍູ້ການສ້າງຄູ່ຮ່ວມຊາຕາກຳຈີນ-ມຽນມາໃຫ້ບັນລຸໝາກຜົນຫຼາຍຂຶ້ນ
ມຽນມາ ໄດ້ສະແດງຄວາມຂອບໃຈຕໍ່ຈີນທີ່ສະໜັບສະໜູນການຈັດຕັ້ງປະຕິບັດໂຄງການບ້ານຕົວແບບຫຼຸດຜ່ອນຄວາມທຸກຍາກ, ເຊິ່ງບໍ່ພຽງແຕ່ສ້າງຜົນປະໂຫຍດໃຫ້ແກ່ຊາວບ້ານ 726 ຄົນໃນ180 ຄອບຄົວເທົ່ານັ້ນ, ຍັງເປັນບົດຮຽນທີ່ດີໃຫ້ແກ່ການພັດທະນາຊົນນະບົດໃນເຂດອື່ນໆຂອງມຽນມາອີກດ້ວຍ.