ຄະ​ນະ​ລັດ​ຖະ​ບານ​ໄທ​ອະ​ນຸ​ມັດ​ນະ​ໂຍ​ບາຍ​ຄຸ້ມ​ຄອງ​ສູນ​ຂໍ້​ມູນ​​ແບບ 7 ລະ​ດັບ

CRI,    November 11, 2026
Size:

ວັນທີ 10 ພະຈິກນີ້, ຄະນະລັດຖະບານໄທໄດ້ອະນຸມັດນະໂຍບາຍຄຸ້ມຄອງສູນຂໍ້ມູນ, ໂດຍຕົກລົງຈັດການຄຸ້ມຄອງແບບແບ່ງເປັນ 7 ລະດັບຕາມຂະໜາດການໃຊ້ໄຟຟ້າ, ໂຄງການທີ່ມີຂະໜາດການໃຊ້ໄຟຟ້າຫຼາຍກວ່າ 20 ເມກາວັດຈະຕ້ອງຜ່ານການຄັດເລືອກສະຖານທີ່ຕັ້ງທີ່ເຂັ້ມງວດຂຶ້ນ.

ທ່ານ ເອກນິຕິນິຄິທັນປະກາດ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການເງິນໄທກ່າວວ່າ: ລັດຖະບານຈະຈັດຕັ້ງສູນບໍລິການແບບປະຕູດຽວເພື່ອປະສານງານການກວດສອບ ແລະ ອະນຸມັດໂຄງການສູນຂໍ້ມູນ.

ທ່ານ ດານຸຊາ ພິຊຍະນັນ ເລຂາທິການສະພາພັດທະນາເສດຖະກິດ ແລະ ສົງຄັມແຫ່ງຊາດໄທກ່າວວ່າ: ສູນຂໍ້ມູນຈະຖືກແບ່ງເປັນ 7 ລະດັບຕາມຂະໜາດການໃຊ້ໄຟຟ້າ, ໃນນັ້ນ, ໂຄງການທີ່ມີຂະໜາດການໃຊ້ໄຟຟ້າຕ່ຳກວ່າ 20 ເມກາວັດສາມາດຕັ້ງຢູ່ໃນເຂດການຄ້າໄດ້, ສ່ວນໂຄງການທີ່ມີຂະໜາດການໃຊ້ໄຟຟ້າຫຼາຍກວ່າ 20 ເມກາວັດຕ້ອງຕັ້ງຢູ່ໃນເຂດອຸດສາຫະກຳ.