ວັນທີ 20 ສິງຫານີ້, ທ່ານນາງ ຟາມທຸຮັງ ໂຄສົກກະຊວງການຕ່າງປະເທດຫວຽດນາມໄດ້ກ່າວໃນກອງປະຊຸມຖະແຫຼງຂ່າວວ່າ: ຫວຽດນາມຊົມເຊີຍຈີນທີ່ໄດ້ລວມຫວຽດນາມເຂົ້າໃນບັນດາປະເທດທີ່ສາມາດນຳໃຊ້ນະໂຍບາຍຍົກເວັ້ນວີຊາຜ່ານແດນ 240 ຊົ່ວໂມງ ແລະ ນະໂຍບາຍຍົກເວັ້ນວີຊາເຂົ້າເມືອງ 30 ວັນຢູ່ແຂວງໄຫຼຫຼຳຂອງຈີນ.
ທ່ານນາງ ຟາມທຸຮັງ ສະແດງຄວາມຄອງຄອຍຈະລົງເລິກການແລກປ່ຽນດ້ານວັດທະນະທຳກັບຈີນຕື່ມອີກ.
ວັນທີ 20 ສິງຫານີ້, ອົງການຄຸ້ມຄອງຄົນເຂົ້າເມືອງແຫ່ງຊາດຈີນໄດ້ປະກາດວ່າ: ນັບແຕ່ວັນທີ 20 ສິງຫາປີ 2026 ເປັນຕົ້ນໄປ, ພົນລະເມືອງກຽກກິດສະຖານ ແລະ ຫວຽດນາມສາມາດເດີນທາງມາຈີນ ໂດຍນຳໃຊ້ນະໂຍບາຍຍົກເວັ້ນວີຊາຜ່ານແດນ 240 ຊົ່ວໂມງ ແລະ ນະໂຍບາຍຍົກເວັ້ນວີຊາເຂົ້າເມືອງ 30 ວັນຢູ່ແຂວງໄຫຫຼຳ. ມາຮອດປັດຈຸບັນ, ຈຳນວນປະເທດທີ່ສາມາດນຳໃຊ້ນະໂຍບາຍຍົກເວັ້ນວີຊາຜ່ານແດນ 240 ຊົ່ວໂມງເພີ່ມຂຶ້ນເປັນ 57 ປະເທດ ແລະ ຈຳນວນປະເທດທີ່ສາມາດນຳໃຊ້ນະໂຍບາຍຍົກເວັ້ນວີຊາເຂົ້າເມືອງ 30 ວັນຢູ່ແຂວງໄຫຫຼຳເພີ່ມຂຶ້ນເປັນ 61 ປະເທດ.