
ເພື່ອຮັບມືກັບການສິ້ນເປືອງໄຟຟ້າແລະຊັບພະຍາກອນນ້ຳຢ່າງໃຫຍ່ຫຼວງ, ລວມທັງຜົນກະທົບຕໍ່ສິ່ງແວດລ້ອມ ຂອງສູນຂໍ້ມູນ, ສຳນັກນາຍົກລັດຖະມົນຕີໄທໄດ້ປະກາດໃຊ້ກົດລະບຽບຢ່າງເປັນທາງການໂດຍຜ່ານຂ່າວສານທາງການຂອງລັດຖະບານໄທ, ໂດຍປະກາດສ້າງຕັ້ງ “ຄະນະກຳມະການນະໂຍບາຍສູນຂໍ້ມູນ” ຢ່າງເປັນທາງການ.
ຄະນະກຳມະການດັ່ງກ່າວມີຮອງນາຍົກລັດຖະມົນຕີເປັນປະທານ, ລັດຖະມົນຕີກະຊວງເສດຖະກິດດິຈີຕອນແລະສັງຄົມ, ກະຊວງພາຍໃນແລະກະຊວງພະລັງງານ ເປັນຮອງປະທານ, ແລະປະກອບດ້ວຍເຈົ້າໜ້າທີ່ລະດັບສູງຈາກຫຼາຍພາກສ່ວນ. ມີໜ້າທີ່ຮັບຜິດຊອບຕົ້ນຕໍຄື: ສະເໜີນະໂຍບາຍຕິດຕາມຄວບຄຸມ, ມາດຕະຖານແລະແນວທາງສຳລັບການດຳເນີນວຽກງານຂອງສູນຂໍ້ມູນ ໃຫ້ລັດຖະສະພາ. ລະບຽບການໃໝ່ມີຈຸດປະສົງເພື່ອຮັບປະກັນໃຫ້ສູນຂໍ້ມູນສົ່ງເສີມການພັດທະນາເສດຖະກິດຂອງປະເທດແລະຮັບປະກັນຄວາມໝັ້ນຄົງດ້ານພະລັງງານແຫ່ງຊາດ, ຮັກສາລາຄາໄຟຟ້າໃຫ້ໝັ້ນທ່ຽງ, ຈັດສັນຊັບພະຍາກອນນ້ຳຢ່າງສະເໝີພາບກັນ, ພ້ອມທັງຮັກສາຄວາມປອດໄພປ້ອງກັນອັກຄີໄພ, ຮັກສາອະທິປະໄຕດ້ານຂໍ້ມູນແລະບັນລຸເປົ້າໝາຍປອດການລະບາຍກາກບອນ.