ກໍາປູເຈຍເປີດ “ລະດູການທ່ອງທ່ຽວສີຂຽວ” ເພື່ອດຶງດູດນັກທ່ອງທ່ຽວຕ່າງປະເທດ

ກະຊວງການທ່ອງທ່ຽວກໍາປູເຈຍ ໄດ້ຈັດພິທີເປີດ “ລະດູການທ່ອງທ່ຽວສີຂຽວ” ປີ 2026 ຢູ່ນະຄອນຫຼວງພະນົມເປັນໃນຕອນຄໍ່າວັນທີ 2 ພຶດສະພານີ້ ເພື່ອດຶງດູດນັກທ່ອງທ່ຽວຕ່າງປະເທດເຂົ້າມາທ່ອງທ່ຽວໃນລະດູຝົນ ຫຼື ນອກລະດູການທ່ອງທ່ຽວ.

ຂ່າວແຈ້ງວ່າ: ເພື່ອຊຸກຍູ້ຂະແໜງການທ່ອງທ່ຽວໃຫ້ໄດ້ຮັບການພັດທະນາ, ກໍາປູເຈຍໄດ້ວາງມາດຕະການທີ່ມີປະສິດທິພາບຫຼາຍຢ່າງ, ລວມທັງການເພີ່ມທະວີການໂຄສະນາເຜີຍແຜ່ດ້ານການທ່ອງທ່ຽວຕໍ່ພາຍນອກ, ຍົກລະດັບຄຸນນະພາບຂອງຂະແໜງການທ່ອງທ່ຽວ ແລະອື່ນໆ ເພື່ອຮັກສາຄວາມໜຽວແໜ້ນ ແລະ ຄວາມສາມາດແຂ່ງກັນໃນລະດັບສາກົນຂອງຂະແໜງການທ່ອງທ່ຽວຂອງຕົນ, ພ້ອມທັງເພີ່ມຄວາມໝັ້ນໃຈຂອງມະຫາຊົນທີ່ມີຕໍ່ຂະແໜງການທ່ອງທ່ຽວຂອງກໍາປູເຈຍຕື່ມອີກ.

ການທ່ອງທ່ຽວເປັນໜຶ່ງໃນ 4 ອຸດສາຫະກໍາເສົາຄໍ້າຂອງເສດຖະກິດກໍາປູເຈຍ. ທາງການກໍາປູເຈຍ ເປີດເຜີຍໃຫ້ຮູ້ວ່າ: 3 ເດືອນທໍາອິດຂອງປີນີ້, ກໍາປູເຈຍໄດ້ຕ້ອນຮັບນັກທ່ອງທ່ຽວຕ່າງປະເທດແລ້ວຫຼາຍກວ່າ 1 ລ້ານເທື່ອຄົນ.