ສູນ​ກາງ​ພັກ​ຄອມ​ມູ​ນິດ​ຈີນ​ສົ່ງ​ສານ​​ອວຍ​ພອນເຖິງ​ສູນ​ກາງ​ພັກ​ຄອມ​ມູ​ນິດ​ຫວຽດ​ນາມ​ເນື່ອງ​ໃນ​ໂອ​ກາດ​ຈັດ​ກອງ​ປະ​ຊຸມ​ໃຫຍ່​ຜູ້ແທນ​ທົ່ວ​ປະ​ເທດ​ຄັ້ງ​ທີ 14 ຂອງ​ພັກ​ຄອມ​ມູ​ນິດ​ຫວຽດ​ນາມ

CRI,    January 22, 2026
Size:

ວັນທີ 20 ມັງກອນນີ້, ສູນກາງພັກຄອມມູນິດຈີນໄດ້ສົ່ງສານອວຍພອນເຖິງສູນກາງພັກຄອມມູນິດຫຽດນາມເນື່ອງໃນໂອກາດຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 14 ຂອງພັກຄອມມູນິດຫວຽດນາມ ໂດຍມີເນື້ອໃນລະບຸວ່າ: ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 14 ຂອງພັກຄອມມູນິດຫວຽດນາມແມ່ນກອງປະຊຸມສຳຄັນທີ່ຈັດຂຶ້ນໃນໄລຍະສຳຄັນທີ່ເປັນຂໍກະແຈ ໃນຂະນະທີ່ພັກ ແລະ ປະຊາຊົນຫວຽດນາມຢວ່າງບາດກ້າວໄປສູ່ເປົ້າໝາຍສູ້ຊົນ 100 ປີ ໃນການສ້າງຕັ້ງພັກ ເຊິ່ງມີຄວາມໝາຍປະຫວັດສາດທີ່ເລິກເຊິ່ງຍາວໄກ. ພວກຂ້າພະເຈົ້າເຊື່ອໝັ້ນວ່າ: ກອງປະຊຸມໃຫຍ່ຄັ້ງນີ້ ຈະເປັນກອງປະຊຸມແຫ່ງຄວາມສາມັກຄີ ແລະ ໄຊຊະນະ ແລະ ປະຊາຊົນຫວຽດນາມ ພາຍໃຕ້ການນຳພາອັນເຂັ້ມແຂງຂອງພັກຄອມມູນິດຫວຽດນາມ ຈະສາມາດບັນລຸເປົ້າໝາຍ ແລະ ໜ້າທີ່ທຸກປະການຂອງພັກ ແລະ ການພັດທະນາປະເທດຊາດຢ່າງມີໄຊ.

ພັກ ແລະ ລັດຖະບານຈີນໃຫ້ຄວາມສຳຄັນຢ່າງສູງຕໍ່ການຂະຫຍາຍການພົວພັນລະຫວ່າງສອງພັກ ແລະ ສອງລັດຈີນ-ຫວຽດນາມ, ຍິນດີຮ່ວມກັບຫວຽດນາມ ເພື່ອຈັດຕັ້ງປະຕິບັດຄວາມເຫັນທີ່ເປັນເອກະພາບກັນລະຫວ່າງຜູ້ນຳສູງສຸດຂອງສອງພັກ ແລະ ສອງລັດ, ສ້າງຄວາມສຸກໃຫ້ແກ່ສອງປະເທດ ແລະ ປະຊາຊົນສອງຊາດດີກວ່າເກົ່າ, ຮ່ວມກັນປະກອບສ່ວນສຳຄັນ ເພື່ອສັນຕິພາບ ແລະ ສະຖຽນລະພາບຂອງພາກພື້ນ ກໍຄືສັນຕິພາບ ແລະ ຄວາມກ້າວໜ້າຂອງມວນມະນຸດ.