ງານເທດສະການຈັດຊື້ໝາກໄມ້ ແມ່ນ້ຳລ້ານຊ້າງ-ແມ່ນ້ຳຂອງ ປະຈຳປີ 2025 ຈັດຂຶ້ນຢູ່ນະຄອນຄຸນໝິງ

ລະຫວ່າງວັນທີ 5 ຫາ 8 ທັນວາ 2025, ງານເທດສະການຈັດຊື້ໝາກໄມ້ ແມ່ນ້ຳລ້ານຊ້າງ-ແມ່ນ້ຳຂອງ ຫຼື LM ປະຈຳປີ 2025 ໄດ້ຈັດຂຶ້ນຢູ່ນະຄອນຄຸນໝິງ ແຂວງຢູນນານ ສປ ຈິນ ໂດຍມີວິສາຫະກິດ 50 ກວ່າແຫ່ງຈາກປະເທດລ້ອງແມ່ນໍ້າຂອງ ແລະ ປະເທດອາຊີໃຕ້ເຂົ້າຮ່ວມ ຊຶ່ງໝາກທຸລຽນຂອງໄທ, ໝາກນັດຂອງຫວຽດນາມ, ໝາກພ້າວຂອງກຳປູເຈຍ, ໝາກໄມ້ແຫ້ງຂອງບັງກາລະເດັດ ແລະ ຜະລິດຕະພັນອື່ນໆໄດ້ຮັບຄວາມນິຍົມຫຼາຍຈາກຜູ້ບໍລິໂພກ.

ໃນງານດັ່ງກ່າວ, ຍັງໄດ້ຈັດກອງປະຊຸມປະຊາສຳພັນລະຫວ່າງຄວາມຕ້ອງການ ແລະ ການສະໜອງດ້ານເສດຖະກິດຂ້າມແດນ LM, ງານນຳສະເໜີວິສາຫະກິດ ແລະ ກິດຈະກຳອື່ນໆ ໂດຍມີບໍລິສັດການຂົນສົ່ງທາງທະເລ ຈີນ, ສະພາການຄ້າ ແລະ ສົ່ງອອກ-ນໍາເຂົ້າໝາກໄມ້ສົດໄທ ແລະ ວິສາຫະກິດ, ສະມາຄົມ-ສະພາການຄ້າທັງພາຍໃນ ແລະ ຕ່າງປະເທດທັງໝົດ 10 ແຫ່ງ ໄດ້ເຊັນບົດບັນທຶກການຮ່ວມມື.