ກິລາເຊື່ອມສານມິດຕະພາບລະຫວ່າງ ນັກການທູດຫຼາຍປະເທດເຕົ້າໂຮມກັນຢູ່ກິ່ງແຂວງເຕີຫົງເພື່ອເບິ່ງການພັດທະນາຊາຍແດນ

ແຕ່ວັນທີ 30 ຕຸລາ ຫາ ວັນທີ 1 ພະຈິກ, ກິດຈະກຳຫົວຂໍ້ດ້ານສີລະປະແລະວັດທະນະທຳກິລາບ້ານສຸກສັນຊາຍແດນແຂວງຢຸນນານປີ 2025 ໄດ້ຈັດຂຶ້ນຢູ່ກິ່ງແຂວງປົກຄອງຕົນເອງເຜົ່າໄທລື້ເຜົ່າຈິງໂປເຕີຫົງ, ໂດຍມີກົງສຸນໃຫຍ່ ແລະ ເຈົ້າໜ້າທີ່ກົງສຸນຈາກ 6 ປະເທດຄື: ລາວ, ມຽນມາ, ກຳປູເຈຍ, ຫວຽດນາມ, ມາເລເຊຍ ແລະ ບັງກະລາເທດປະຈຳນະຄອນຄຸນໝິງໄດ້ເຕົ້າໂຮມກັນ,ເພື່ອເປັນສັກຂີພິຍານຕໍ່ຜົນສຳເລັດຕ່າງໆທີ່ແຂວງຢຸນນານບັນລຸໄດ້ໃນການຊຸກຍູ້ການເຄື່ອນໄຫວສ້າງສາຊາຍແດນໃຫ້ຈະເລີນຮຸ່ງເຮືອງໃນຍຸກໃໝ່ຢ່າງເລິກເຊິ່ງ.

ໃນໄລຍະຈັດງານ, ບັນດານັກການທູດໄດ້ລົງເລິກເຂົ້າໄປໃນເຂດຊາຍແດນເຊັ່ນ: ເມືອງ ມັງ ແລະ ເມືອງຣຸຍລີ ສຳຜັດກັບກິລາຊົນເຜົ່າແບບດັ້ງເດີມດ້ວຍຕົນເອງ ແລະ ຮູ້ສຶກເຖິງພູມປັນຍາ ແລະ ຄວາມມ່ວນຊື່ນທີ່ມີຢູ່ໃນນັ້ນ. ຢູ່ເຂດການຄ້າຊາຍແດນເຈຍເກົ້າ, ພວກເຂົາໄດ້ເບິ່ງສະພາບການພັດທະນາການຄ້າຊາຍແດນແລະການໄປມາຫາສູ່ກັນລະຫວ່າງຜູ້ຄົນ, ແລະຮູ້ສຶກເຖິງຄວາມສຳຄັນອັນແຮງກ້າຂອງແຂວງຢຸນນານເປັນແນວໜ້າຂອງການເປີດປະຕູສູ່ອາຊີໃຕ້ແລະອາຊີຕາເວັນອອກສ່ຽງໃຕ້.

ໃນຊຸມປີມໍ່ໆມານີ້, ແຂວງຢຸນນານໄດ້ສືບຕໍ່ຊຸກຍູ້ການແລກປ່ຽນແລະການຮ່ວມມືດ້ານວັດທະນະທຳ ກັບບັນດາປະເທດອາຊີໃຕ້ແລະອາຊີຕາເວັນອອກສ່ຽງໃຕ້ດ້ວຍກິລາທີ່ມີເອກະລັກສູງສົ່ງຂອງແຂວງ. ຜ່ານບັນດາເຫດການ ແລະ ຫຼາກຫຼາຍຮູບແບບຕະຫຼອດປີ, ກິລາພວມກາຍເປັນ “ກຸນແຈທອງຄຳ” ເພື່ອເຊື່ອມຕໍ່ຈິດໃຈປະຊາຊົນ, ເພີ່ມທະວີຄວາມເຂົ້າໃຈ, ຊຸກຍູ້ຄວາມວັດທະນາຖາວອນຂອງພາກພື້ນ, ຫວ່ານແນວພັນແຫ່ງຄວາມສາມັກຄີ ແລະ ມິດຕະພາບຢູ່ເຂດຊາຍແດນ. ກິດຈະກຳກິລາຂ້າມຊາຍແດນແຫ່ງຊາດນີ້ຍັງສະແດງໃຫ້ເຫັນເຖິງສະເໜ່ ແລະ ຄວາມມີຊີວິດຊີວາຂອງແຂວງຢຸນນານ.