ກອງປະຊຸມໜ່ວຍງານປະສົມຄັ້ງທີ 50 ໃນການຈັດຕັ້ງປະຕິບັດ “ຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້” ຈັດຂຶ້ນຢູ່ນະຄອນຄຸນໝິງແຂວງຢຸນນານຈີນ
CRI, November 28, 2025
Size：
ລະຫວ່າງວັນທີ 24 ຫາ 26 ພະຈິກນີ້, ຈີນ ແລະ 10 ປະເທດສະມາຊິກອາຊຽນເປັນເຈົ້າພາບຈັດກອງປະຊຸມໜ່ວຍງານປະສົມຄັ້ງທີ 50 ໃນການຈັດຕັ້ງປະຕິບັດ “ຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້” ຫຼື DOC ຢູ່ນະຄອນຄຸນໝິງແຂວງຢຸນນານຈີນ.
ບັນດາຝ່າຍໄດ້ລົງເລິກແລກປ່ຽນຄວາມເຫັນກ່ຽວກັບຫົວຂໍ້ຕ່າງໆ ເຊັ່ນ: ສະຖານະການຢູ່ທະເລຈີນໃຕ້ໃນປັດຈຸບັນ, ການຈັດຕັ້ງປະຕິບັດ DOC, ການຮ່ວມມືຕົວຈິງທາງທະເລ ແລະ ອື່ນໆ ພ້ອມທັງຊຸກຍູ້ການປຶກສາຫາລືກ່ຽວກັບ “ກົດແຫ່ງການປະພຶດຢູ່ທະເລຈີນໃຕ້. ບັນດາຝ່າຍເຫັນດີເປັນເອກະພາບກັນໃຫ້ສືບຕໍ່ຈັດຕັ້ງປະຕິບັດ DOC ຢ່າງບັງເກີດຜົນ ແລະ ຮອບດ້ານ, ລົງເລິກການຮ່ວມມືໃນຂົງເຂດອະນຸລັກສິ່ງແວດລ້ອມທາງທະເລ, ການຄົ້ນຄວ້າວິທະຍາສາດ, ການຊ່ວຍເຫຼືອທາງທະເລ ແລະ ອື່ນໆ, ເລັ່ງຊຸກຍູ້ການປຶກສາຫາລື “ກົດແຫ່ງການປະພຶດຢູ່ທະເລຈີນໃຕ້”, ພະຍາຍາມໃຫ້ບັນລຸ “ກົດແຫ່ງການປະພຶດຢູ່ທະເລຈີນໃຕ້” ໂດຍໄວ ເພື່ອຮ່ວມກັນປົກປັກຮັກສາສັນຕິພາບ ແລະ ສະຖຽນລະພາບຢູ່ທະເລຈີນໃຕ້.