ກຳ​ປູ​ເຈຍ​ຢືນ​ຢັນ​ຍຶດ​ໝັ້ນຫຼັກ​ການ​ປະ​ເທດ​ຈີນ​ດຽວ​ຢ່າງ​ເດັດ​ດ່ຽວ

ວັນທີ 26 ພະຈິກນີ້, ກະຊວງການຕ່າງປະເທດກຳປູເຈຍໄດ້ອອກຖະແຫຼງການ ໂດຍກ່າວຢ້ຳວ່າ ກຳປູເຈຍຍຶດໝັ້ນຫຼັກການປະເທດຈີນດຽວຢ່າງເດັດດ່ຽວ.

ຖະແຫຼງການດັ່ງກ່າວລະບຸວ່າ, ລັດຖະບານ ສປ ຈີນເປັນລັດຖະບານຊອບດ້ວຍກົດໝາຍພຽງໜຶ່ງດຽວທີ່ຕາງໜ້າປະເທດຈີນ, ໄຕ້ຫວັນເປັນພາກສ່ວນໜຶ່ງທີ່ບໍ່ສາມາດຕັດແຍກຈາກຜືນແຜ່ນດິນປະເທດຈີນ. ກຳປູເຈຍເຫັນວ່າ ບັນຫາທີ່ກ່ຽວຂ້ອງກັບໄຕ້ຫວັນເປັນວຽກງານພາຍໃນຂອງ ສປ ຈີນ, ສະໜັບສະໜູນຄວາມພະຍາຍາມຂອງຈີນເພື່ອທ້ອນໂຮມປະເທດເຂົ້າເປັນເອກະພາບກັນ, ພ້ອມທັງຄັດຄ້ານ “ການແບ່ງແຍກໄຕ້ຫວັນເປັນເອກະລາດ” ໃນທຸກຮູບແບບ.

ໃນຖະແຫຼງການຍັງເນັ້ນໜັກວ່າ, ກຳປູເຈຍມີຈຸດຢືນຢ່າງແຮງກ້າໃນການສະໜັບສະໜູນຄວາມພະຍາຍາມປົກປ້ອງສັນຕິພາບ ສະຖຽນລະພາບ ແລະ ຄວາມກົມກຽວຂອງພາກພື້ນ ຢູ່ບົນພື້ນຖານ ແຫ່ງຫຼັກການທີ່ເຄົາລົບເຊິ່ງກັນແລະກັນ, ແກ້ໄຂຄວາມເຫັນທີ່ຕ່າງກັນ ແລະ ຄວາມຂັດແຍ້ງກັນດ້ວຍສັນຕິວິທີ.