ພິ​ທີ​ເປີດ “ສັບ​ປະ​ດາ​ແລກ​ປ່ຽນ​ແມ່​ນ້ຳ​ເຫຼືອງ-ແມ່​ນ້ຳ​ຂອງ ພ້ອມ​ດ້ວຍ​ການ​ເດີນ​ທາງ​ຂອງວິ​ສາ​ຫະ​ກິດ​ຂະ​ໜາດ​ກາງ ແລະ ນ້ອຍ​ອາ​ຊຽນ ​ຢູ່​ແຂວງ​ສ່ານ​ຕົ່ງ​ຈີນ ​ເພື່ອ​​ພັດ​ທະ​ນາການ​ຮ່ວມ​ມື” ຈັດ​ຂຶ້ນ​ຢູ່​ນະ​ຄອນ​ເຕີ​ໂຈ່ວ​ ແຂວງ​ສ່ານ​ຕົ່ງ​ຈີນ

ວັນທີ 3 ພະຈິກ 2025, ພິທີເປີດ “ສັບປະດາແລກປ່ຽນແມ່ນ້ຳເຫຼືອງ-ແມ່ນ້ຳຂອງ ພ້ອມດ້ວຍການເດີນທາງຂອງວິສາຫະກິດຂະໜາດກາງ ແລະ ນ້ອຍອາຊຽນຢູ່ແຂວງສ່ານຕົ່ງຈີນ ເພື່ອພັດທະນາການຮ່ວມມື” ໄດ້ຈັດຂຶ້ນຢູ່ນະຄອນເຕີໂຈ່ວແຂວງສ່ານຕົ່ງຈີນ. ທ່ານຫຼິນໄຫເຟີ່ງ ຮອງປະທານສະພາເປິກສາການເມືອງປະຊາຊົນແຂວງສ່ານຕົ່ງ, ທ່ານ Khlok Nouy  ຮອງເຈົ້າແຂວງແຂວງບັນຕີມິນໃຈ (Banteay Meanchey)ຂອງກຳປູເຈຍ, ທ່ານສືຈົ່ງຈຸ້ນ ເລຂາທິການສູນຈີນ-ອາຊຽນ, ທ່ານ ດໍໂນ ສຸດຕິນິປະພັນ （Dawno Suttinipapan）ອະດີດສະມາຊິກວຸດທິສະພາຂອງໄທ ໄດ້ເຂົ້າຮ່ວມພິທີດັ່ງກ່າວ ແລະ ກ່າວຄຳປາໄສ.

ໃນພິທີດັ່ງກ່າວ, ໄດ້ສ້າງຕັ້ງກອງເລຂາສົນທະນາແມ່ນ້ຳເຫຼືອງ-ແມ່ນ້ຳຂອງ; ເຜີຍແຜ່ “ຂໍ້ລິເລີ່ມເຕີໂຈ່ວ ວ່າດ້ວຍການສົນທະນາລະຫວ່າງແມ່ນ້ຳເຫຼືອງ-ແມ່ນ້ຳຂອງ”; ໄດ້ລົງນາມ “ບົດບັນທຶກຄວາມເຂົ້າໃຈວ່າດ້ວຍການສ້າງສາຍພົວພັນຄູ່ຮ່ວມມືມິດຕະພາບລະຫວ່າງນະຄອນເຕີໂຈ່ວ ແຂວງສ່ານຕົ່ງປະເທດຈີນກັບແຂວງບັນຕີມິນໃຈ ປະເທດກຳປູເຈຍ”; ເປີດປ້າຍປະກາດສ້າງຕັ້ງມູມໄທສູນແລກປ່ຽນພາສາ ແລະ ວັດທະນະທຳໄທ.

ໃນສັບປະດາແລກປ່ຽນຄັ້ງນີ້, ຍັງໄດ້ຈັດກອງປະຊຸມນຳສະເໜີການລົງທຶນຈີນ (ສ່ານຕົ່ງ)-ອາຊຽນ ແລະ ງານແລກປ່ຽນເສດຖະກິດການຄ້າ “ການສົນທະນາລະຫວ່າງແມ່ນ້ຳເຫຼືອງ-ແມ່ນ້ຳຂອງ”, ງານສັງສັນເພື່ອສົ່ງເສີມເສດຖະກິດການຄ້າ ແລະ ການລົງທຶນຈີນ(ສ່ານຕົ່ງ), ກິດຈະກຳແລກປ່ຽນຊາວໜຸ່ມເນື່ອງໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນທາງການທູດຈີນ-ໄທຄົບຮອບ 50 ປີ ແລະອື່ນໆ.