ກຳປັ່ນຮົບ “ເ​ສສວນ” ຂອງກອງທັບເຮືອຈີນ​ປະ​ສົບ​ຜົນສຳເລັດ​ໃນການທົດລອງເດີນເຮືອຄັ້ງທຳອິດ

ວິທະຍຸໂທລະພາບສູນກາງຈີນຫຼື CMG ລາຍງານວ່າ , ວັນທີ 16 ພະຈິກນີ້ເວລາປະມານ 17 ໂມງ, ກຳປັ່ນຮົບ “ເສສວນ” ເຊິ່ງເປັນກຳປັ່ນຮົບສະເທິນນ້ຳສະເທິນບຸກລຸ້ນ 076 ລຳທຳອິດຂອງຈີນໄດ້ສຳເລັດການທົດລອງເດີນເຮືອຄັ້ງ ທຳອິດເປັນເວລາ 3 ວັນ ແລະ ກັບຄືນສູ່ທ່າກຳປັ່ນຮູ້ຕຸ່ງຈົ່ງຮວາທີ່ນະຄອນຊຽງໄຮ້.

ໃນໄລຍະ ທົດລອງເດີນເຮືອ, ໄດ້ທົດລອງລະບົບອຸປະກອນຕ່າງໆເຊັ່ນ: ລະບົບແຮງຂັບເຄື່ອນ ແລະ ລະບົບໄຟຟ້າ ແລະອື່ນໆຂອງກຳປັ່ນຮົບ “ເສສວນ”,  ໄດ້ບັນລຸຜົນສຳເລັດຕາມຄາດໝາຍ. ສ່ວນລາຍການທົດລອງຄັ້ງຕໍ່ໄປຈະດຳເນີນໄປເທື່ອລະກ້າວຕາມແຜນການ ກໍ່ສ້າງອຸປະກອນໂດຍລວມ.