ຈີນ ກຳປູເຈຍ ລາວ ມຽນມາ ໄທ ແລະ ຫວຽດນາມຈະຮ່ວມກັນໂຈມຕີການຫຼອກລວງຜ່ານທາງໂທລະຄົມຂ້າມຊາດ

ກະຊວງປ້ອງກັນຄວາມສະຫງົບຈີນແຈ້ງໃຫ້ຮູ້ວ່າ, ກອງປະຊຸມຂັ້ນລັດຖະມົນຕີກ່ຽວກັບຈີນ ກຳປູເຈຍ ລາວ ມຽນມາ ໄທ ແລະ ຫວຽດນາມຮ່ວມກັນໂຈມຕີອາຊະຍາກຳຫຼອກລວງຜ່ານທາງໂທລະຄົມຂ້າມຂາດໄດ້ຈັດຂຶ້ນຢູ່ນະຄອນຄຸ່ນມີງ ແຂວງຢຸນນານຈີນໃນວັນທີ 14 ພະຈິກນີ້. ພາກສ່ວນປະຕິບັດກົດໝາຍຂອງ 6 ປະເທດດ່ັງກ່າວໄດ້ແລກປ່ຽນຄວາມຄິດຄວາມເຫັນຢ່າງເລິກເຊິ່ງກ່ຽວກັບການຮ່ວມມືຕ້ານອາຊະຍາກຳຫຼອກລວງຜ່ານທາງໂທລະຄົມຂ້າມຊາດ ແລະ ໄດ້ບັນລຸຄວາມຮັບຮູ້ທີ່ເປັນເອກະພາບກັນຫຼາຍຢ່າງ.

ກະຊວງປ້ອງກັນຄວາມສະຫງົບຈີນແຈ້ງໃຫ້ຮູ້ວ່າ, ກອງປະຊຸມຄັ້ງນີ້ເປັນຜົນງານລັກສະນະຂັ້ນຕອນອັນສຳຄັນຂອງການຮ່ວມມືປະຕິບັດກົດໝາຍລະຫວ່າງ 6 ປະເທດ ຄື: ຈີນ ກຳປູເຈຍ ລາວ ມຽນມາ ໄທ ແລະ ຫວຽດນາມເພື່ອຮ່ວມກັນຕ້ານອາຊະຍາກຳຫຼອກລວງຜ່ານທາງໂທລະຄົມຂ້າມຊາດ, ພາກສ່ວນປະຕິບັດກົດໝາຍຂອງ 6 ປະເທດໄດ້ລົງນາມເອກະສານທີ່ເປັນຜົນງານຮ່ວມ. ຝ່າຍຕ່າງໆກໍ່ໄດ້ສະແດງຄວາມປາຖະໜາອັນແຮງກ້າທີ່ຮ່ວມກັນໂຈມຕີອາຊະຍາກຳຫຼອກລວງຜ່ານທາງໂທລະຄົມຂ້າມຊາດ ແລະ ກ່າວວ່າຈະພ້ອມກັນຈັດການເຄື່ອນໄຫວໂຈມຕີທີ່ມີຫຼາຍປະເທດເຂົ້າຮ່ວມເພື່ອປົກປັກຮັກສາຄວາມສະຫງົບໃນພາກພື້ນຮ່ວມກັນ.