ສື່ມວນຊົນບາງປະເທດຕາເວັນຕົກເຈຕະນາຍຸແຍ່ການພົວພັນໄມຕີຈິດມິດຕະພາບລະຫວ່າງຈີນກັບປະເທດທີ່ກ່ຽວຂ້ອງ ແນ່ນອນຈະບໍ່ປະສົບຜົນສຳເລັດ
CRI, October 16, 2025
Size：
ວັນທີ 10 ຕຸລານີ້, ທ່ານກົ່ວເຈ່ຍຄຸ່ນ ໂຄສົກກະຊວງການຕ່າງປະເທດຈີນຈັດກອງປະຊຸມຖະແຫຼງຂ່າວ.
ມີນັກຂ່າວຖາມວ່າ: ຫວ່າງມໍ່ໆມານີ້, ມີສື່ມວນຊົນບາງປະເທດຕາເວັນຕົກລາຍງານວ່າ: ຈີນໄດ້ໃຫ້ການຊ່ວຍເຫຼືອດ້ານອາວຸດຈຳນວນຫຼວງຫຼາຍແກ່ກຳປູເຈຍ ແລະ ສົງໄສວ່າຈີນໄດ້ເຂົ້າຂ້າງຝ່າຍໃດຫນຶ່ງກ່ຽວກັບບັນຫາການປະທະກັນຢູ່ຊາຍແດນກຳປູເຈຍ-ໄທ. ຂໍຖາມວ່າຈີນມີຄວາມເຫັນຄືແນວໃດຕໍ່ເລື່ອງນີ້?
ທ່ານກົ່ວເຈ່ຍຄຸ່ນກ່າວວ່າ: ນັບແຕ່ເກີດການປະທະກັນຢູ່ຊາຍແດນກຳປູເຈຍ-ໄທເປັນຕົ້ນມາ, ຈີນໄດ້ປະຕິບັດຕາມຫຼັກໝັ້ນທີ່ຊອບທຳ, ຊຸກຍູ້ໃຫ້ຈັດການເຈລະຈາກັນເພື່ອສັນຕິພາບຢ່າງຕັ້ງໜ້າ. ບັນດາຝ່າຍທີ່ກ່ຽວຂ້ອງໄດ້ຍ້ອງຍໍເປັນຢ່າງສູງຕໍ່ບົດບາດຂອງຈີນທີ່ບໍ່ສາມາດທົດແທນໄດ້. ຈີນໄດ້ດຳເນີນການຮ່ວມມືດ້ານປ້ອງກັນປະເທດແບບປົກກະຕິກັບບັນດາປະເທດສະມາຊິກອາຊຽນ ລວມທັງກຳປູເຈຍແລະໄທ. ສື່ມວນຊົນບາງປະເທດຕາເວັນຕົກເຈຕະນາຍຸແຍ່ການພົວພັນໄມຕີຈິດມິດຕະພາບລະຫວ່າງຈີນກັບປະເທດທີ່ກ່ຽວຂ້ອງ ແນ່ນອນຈະບໍ່ປະສົບຜົນສຳເລັດ.