ບໍ​ລິ​ສັດ​ທາງ​ລົດ​ໄຟ​ແຂວງ​ຢຸນ​ນານ​ເປີດ​ການ​ບໍ​ລິ​ການ​ທ່ອງ​ທ່ຽວ​ຂ້າມ​ຊາດ​ລະ​ຫວ່າງ​ຈີນ-ລາວ ແລະ ຈີນ-ຫວຽດ​ນາມ

ຍາມພັກວັນຊາດຈີນປີນີ້ພໍດີຖືກກັບບຸນໄຫວ້ພະຈັນບຸນປະເພນີທີ່ສຳຄັນຂອງຈີນ, ໃນຍາມພັກຍາວເປັນເວລາ 8 ມື້ລຽນຕິດຄາດວ່າຈະມີນັກທ່ອງທ່ຽວຈຳນວນຫຼວງຫຼາຍອອກເດີນທາງ. ບໍລິສັດທາງລົດໄຟຈີນຈຳກັດສາຂາຄຸ່ນໝິງໄດ້ແຈ້ງໃຫ້ຮູ້ໃນວັນທີ 29 ກັນຍາຜ່ານມານີ້ວ່າ: ໃນໄລຍະພັກບຸນວັນຊາດ, ບໍລິສັດທາງລົດໄຟແຂວງຢຸນນານມີແຜນຈະເປີດການບໍລິການທ່ອງທ່ຽວດ້ວຍລົດໄຟEMU ຂ້າມຊາດຈີນ-ລາວ ແລະ ຈີນ-ຫວຽດນາມ,ເພື່ອເຮັດໃຫ້ນັກທ່ອງທ່ຽວມີທາງເລືອກໃໝ່ໃນການທ່ອງທ່ຽວຜ່ານທາງລົດໄຟ. ໂຄງການທ່ອງທ່ຽວດັ່ງກ່າວໄດ້ປະກອບມີລາຍການສຳລັບເດັກນ້ອຍ ເຊິ່ງລວມທັງການສຳຜັດການປຸງແຕ່ງອາຫານແບບດັ້ງເດີມຂອງລາວ,ການຂີ່ລົດໄຟຂະບວນນ້ອຍຢູ່ເຂດພູດອຍຂອງຫວຽດນາມແລະກິດຈະກຳອື່ນໆ.