6 ເດືອນ​ຕົ້ນ​ປີ​ນີ້ ຄົນ​ຕ່າງ​ປະ​ເທດ​ທີ່​ເຂົ້າ​ມາ​ປະ​ເທດ​ຈີນ​ໂດຍ​ຍົກ​ເວັ້ນ​ວີ​ຊາ​ໄດ້​ເພີ່ມ​ຂຶ້ນ 53,9%

ຕາມຂໍ້ມູນຈາກກົມຄຸ້ມຄອງຄົນເຂົ້າອອກເມືອງແຫ່ງຊາດຈີນສະແດງໃຫ້ເຫັນວ່າ: ໃນ 6 ເດືອນຕົ້ນປີນີ້, ຄົນຕ່າງປະເທດທີ່ເຂົ້າມາປະເທດຈີນໂດຍຍົກເວັ້ນວີຊາໄດ້ມີເຖິງ 13,64 ລ້ານເທື່ອຄົນ,ເພີ່ມຂຶ້ນ 53,9% ເມື່ອທຽບໃສ່ໄລຍະດຽວກັນຂອງປີກາຍ.

ນັບມາຮອດວັນທີ 17 ກໍລະກົດຜ່ານມານີ້, ຈີນໄດ້ຍົກເວັ້ນວີຊາເຊິ່ງກັນແລະກັນຢ່າງຮອບດ້ານກັບ 29 ປະເທດໃນໂລກ ແລະ ຍົກເວັ້ນວີຊາແຕ່ຝ່າຍດຽວຕໍ່ 46 ປະເທດ. ເພື່ອຕອບສະໜອງຄວາມຕ້ອງການດ້ານການທ່ອງທ່ຽວຂອງນັກທ່ອງທ່ຽວຕ່າງປະເທດໃຫ້ດີກວ່າເກົ່າ, ກົມຄຸ້ມຄອງຄົນເຂົ້າອອກເມືອງແຫ່ງຊາດຈີນໄດ້ປັບປຸງນະໂຍບາຍຍົກເວັ້ນວີຊາໃນເວລາຜ່ານແດນແລະນະໂຍບາຍຍົກເວັ້ນວີຊາຕໍ່ປະເທດຫຼືພາກພື້ນສະເພາະໃຫ້ສົມບູນຂຶ້ນຢ່າງຮອບດ້ານ,ນະໂຍບາຍຍົກເວັ້ນວີຊາຂອງຈີນໄດ້ມີບົດບາດຊ້ອນກັນກັບຈຸດສຸມໃນຂົງເຂດວັດທະນະທຳ,ກິລາ,ເສດຖະກິດແລະຂົງເຂດອື່ນໆ.