WTO ຍ້ອງຍໍຈີນປະຕິບັດມາດຕະການຍົກເວັ້ນພາສີຕໍ່ປະເທດທີ່ດ້ອຍພັດທະນາທີ່ສຸດ
CRI, June 19, 2025
Size：
ແຕ່ວັນທີ 16 ຫາ 18 ມິຖຸນານີ້, ອົງການການຄ້າໂລກ ຫຼື WTO ໄດ້ຈັດກອງປະຊຸມຕ່າງໆ ຢູ່ນະຄອນເຊີແນວປະເທດສະວິດ. ໃນໄລຍະຈັດກອງປະຊຸມ, ຜູ້ຕາງໜ້າຈີນໄດ້ແຈ້ງໃຫ້ WTO ຮັບຮູ້ຢ່າງເປັນທາງການວ່າ, ຈີນໄດ້ຍົກເວັ້ນພາສີຕໍ່ສິນຄ້າທັງໝົດທີ່ນຳເຂົ້າຈາກປະເທດດ້ອຍພັດທະນາທີ່ສຸດ ທີ່ໄດ້ສ້າງຕັ້ງສາຍພົວພັນທາງການທູດກັບຈີນ.
ຜູ້ຕາງໜ້າຈີນຍັງກ່າວຕື່ມວ່າ: ຍິນດີຜ່ານການປຶກສາຫາລື ແລະ ລົງນາມສັນຍາວ່າດ້ວຍການພົວພັນຄູ່ຮ່ວມເສດຖະກິດເພື່ອພັດທະນາຮ່ວມກັນ, ປະຕິບັດມາດຕະການຍົກເວັ້ນພາສີຕໍ່ສິນຄ້າທັງໝົດທີ່ນຳເຂົ້າຈາກ 53 ປະເທດອາຟຣິກາ ທີ່ໄດ້ສ້າງຕັ້ງສາຍພົວພັນທາງການທູດກັບຈີນ.
ຜູ້ຕາງໜ້າ ຂອງກຸ່ມປະເທດດ້ອຍພັດທະນາທີ່ສຸດ, ກຸ່ມອາຟຣິກາ ແລະອື່ນໆປະຈຳ WTO ໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ຈີນ, ໂດຍເນັ້ນໜັກວ່າ: ປະເທດສະມາຊິກທີ່ກຳລັງພັດທະນາ ພວມຜະເຊີນໜ້າກັບສິ່ງທ້າທາຍແລະຄວາມບໍ່ແນ່ນອນທີ່ບໍ່ເຄີຍມີມາກ່ອນໃນການເຕີບໂຕດ້ານເສດຖະກິດ, ມາດຕະການຂອງຈີນເປັນແບບຢ່າງທີ່ດີໃຫ້ແກ່ສະມາຊິກອື່ນໆ.