ຄາດວ່າຕີມໍເລັສເຕຈະກາຍເປັນປະເທດສະມາຊິກອາຊຽນຢ່າງເປັນທາງການພາຍໃນປີນີ້
CRI, May 31, 2025
Size：
ວັນທີ 27 ພຶດສະພານີ້, ກອງປະຊຸມສຸດຍອດອາຊຽນຄັ້ງທີ 46 ໄດ້ອັດລົງຢ່າງເປັນທາງການຢູ່ນະຄອນຫຼວງກົວລາລຳເປີປະເທດມາເລເຊຍ. ທ່ານອັນວາ ອິບຣາຮິມ ນາຍົກລັດຖະມົນຕີມາເລເຊຍຢືນຢັນວ່າ, ຄາດວ່າຕີມໍເລັສເຕຈະກາຍເປັນປະເທດສະມາຊິກອາຊຽນທີ 11 ຢ່າງເປັນທາງການພາຍໃນປີນີ້.
ທ່ານອັນວາ ກ່າວຕື່ມວ່າ: ຜູ້ນຳຂອງບັນດາປະເທດສະມາຊິກອາຊຽນໄດ້ບັນລຸຄວາມເຫັນທີ່ເປັນເອກະພາບກັນກ່ຽວກັບການປະຕິບັດມາດຕະການທີ່ຈຳເປັນເພື່ອສະໜັບສະໜູນຕີມໍເລັສເຕເຂົ້າເປັນປະເທດສະມາຊິກອາຊຽນ.
ໃນໂອກາດໃຫ້ສຳພາດຕໍ່ນັກຂ່າວໃນໄລຍະເຂົ້າຮ່ວມກອງປະຊຸມສຸດຍອດອາຊຽນເທື່ອນີ້, ທ່ານຊານາໆ ກຸສມາວ ນາຍົກລັດຖະມົນຕີຕີມໍເລັສເຕກ່າວວ່າ, ຕີມໍເລັສເຕໄດ້ສຳເລັດຂໍ້ກຳນົດສ່ວນຫຼາຍສຳລັບການເຂົ້າເປັນປະເທດສະມາຊິກອາຊຽນແລ້ວ, ແລະຈະສຸມກຳລັງຢ່າງສຸດຂີດເພື່ອສຳເລັດຕາມຂໍ້ກຳນົດອື່ນໆທີ່ເຫຼືອ, ຕີມໍເລັສເຕມີຄວາມໝັ້ນໃຈຢ່າງເຕັມທີ່ໃນດ້ານການເຂົ້າເປັນປະເທດສະມາຊິກອາຊຽນຢ່າງເປັນທາງການພາຍໃນປີນີ້.
ຕີມໍເລັສເຕໄດ້ຮ້ອງຂໍເຂົ້າເປັນປະເທດສະມາຊິກອາຊຽນໃນປີ 2011, ແລະປັດຈຸບັນເປັນປະເທດສັງເກດການຂອງອາຊຽນ.