ກະ​ຊວງ​ການ​ຕ່າງ​ປະ​ເທດ​ຈີນ: ຍິນ​ດີ​ທຳ​ຄວາມ​ພະ​ຍາ​ຍາມ​ສຸດ​ຂີດ​ເພື່ອ ​ສະ​ໜັບ​ສະ​ໜູນ​ການ​ກູ້​ໄພ​ໃຫ້​ມຽນ​ມາ

ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບໄພແຜ່ນດິນໄຫວຢູ່ມຽນມາ.

ນັກຂ່າວຖາມວ່າ: ວັນທີ 28 ມີນານີ້, ມຽນມາໄດ້ເກີດໄພແຜ່ນດິນໄຫວ ຄວາມແຮງ 7,9 ລິກເທີ, ຈີນຈະຊ່ວຍເຫຼືອກູ້ໄພຢູ່ມຽນມາບໍ່?

ໂຄສົກຕອບວ່າ: ມຽນມາແມ່ນປະເທດບ້ານໃກ້ເຮືອນຄຽງທີ່ດີຂອງຈີນ. ຈີນເອົາໃຈໃສ່ຕິດຕາມສະພາບໄພແຜ່ນດິນໄຫວຂອງມຽນມາໃນລະດັບສູງ, ສະແດງຄວາມຢ່າງຈິງໃຈຕໍ່ມຽນມາ. ພວກຂ້າພະເຈົ້າຫວັງວ່າ ແລະເຊື່ອໝັ້ນວ່າ, ລັດຖະບານແລະປະຊາຊົນມຽນມາຈະສາມາດຜ່ານຜ່າຄວາມຫຍຸ້ງຍາກໂດຍໄວ, ແລະສ້າງບ້ານແປງເມືອງຄືນໃໝ່.

ພວກຂ້າພະເຈົ້າມີຄວາມເຫັນໃຈຕໍ່ປະຊາຊົນມຽນມາທີ່ໄດ້ປະສົບໄພແຜ່ນດິນໄຫວ. ຈີນຈະທຳຄວາມພະຍາຍາມສຸດຂີດເພື່ອໃຫ້ການຊ່ວຍເຫຼືອແລະການສະໜັບສະໜູນດ້ານມະນຸດສະທຳແກ່ເຂດປະສົບໄພຕາມຄວາມຮຽກຮ້ອງຕ້ອງການຂອງມຽນມາ, ຊ່ວຍເຫຼືອປະຊາຊົນມຽນມາກູ້ໄພ, ລະຜ່ານຜ່າຄວາມຫຍຸ້ງຍາກ.