ສະພາຜູ້ແທນຣາດຊະດອນໄທບໍ່ຮັບຮອງຍັດຕິບໍ່ໄວ້ວາງໃຈນາຍົກລັດຖະມົນຕີ
CRI, March 27, 2025
Size：
ວັນທີ 26 ມີນານີ້, ສະພາຜູ້ແທນຣາດຊະດອນໄທໄດ້ລົງຄະແນນສຽງຕໍ່ຍັດຕິບໍ່ໄວ້ວາງໃຈທ່ານນາງ ແພທອງທານ ຊິນນະວັດ ນາຍົກລັດຖະມົນຕີໄທຄົນປັດຈຸບັນພ້ອມດ້ວຍຄະນະລັດຖະບານທີ່ສະເໜີໂດຍພັກຝ່າຍຄ້ານ, ຍັດຕິດັ່ງກ່າວບໍ່ ຜ່ານການຮັບຮອງ.
ໃນການລົງຄະແນນສຽງທີ່ຈັດຂຶ້ນຕອນເຊົ້າວັນທີ 26 ມີນານີ້, ມີສະມາຊິກສະພາຜູ້ແທນຣາດຊະດອນຫຼາຍກວ່າເຄິ່ງໜຶ່ງໄດ້ລົງຄະແນນສຽງບໍ່ເຫັນດີຕໍ່ຍັດຕິບໍ່ໄວ້ວາງໃຈດັ່ງກ່າວ, ສະນັ້ນ, ປະທານລັດຖະສະພາຈຶ່ງປະກາດບໍ່ຮັບຮອງຍັດຕິດັ່ງກ່າວ.
ພາຍຫຼັງຍັດຕິບໍ່ໄວ້ວາງໃຈຖືກປະຕິເສດແລ້ວ, ທ່ານນາງ ແພທອງທານ ຊິນນະວັດໄດ້ລົງບົດຄວາມຜ່ານທາງສື່ສັງຄົມອອນລາຍໂດຍສະແດງຄວາມຂອບໃຈຕໍ່ບັນດາຝ່າຍທີ່ປະຕິບັດໜ້າທີ່ຜູ້ແທນປະຊາຊົນຢ່າງເຕັມສ່ວນ, ຂອບໃຈຕໍ່ໜ່ວຍງານຂອງຄະນະລັດຖະບານທີ່ໄດ້ຊີ້ແຈງຢ່າງລະອຽດຕໍ່ຫົວຂໍ້ປຶກສາຫາລືທັງໝົດ ພ້ອມທັງໄດ້ສະແດງຄວາມຂອບໃຈຕໍ່ສະມາຊິກສະພາບໍ່ວ່າຈະເປັນພັກກຳອຳນາດຫຼືພັກຝ່າຍຄ້ານກໍຕາມລ້ວນແຕ່ໄດ້ຕັ້ງໜ້າເຂົ້າຮ່ວມຂະບວນການຕິດຕາມກວດກາເພື່ອຮັບປະກັນຜົນປະໂຫຍດຂອງຊາດ.