ໄທ​ມີ​ແຜນ​ຈະ​ສ້າງ​ກຳ​ແພງ​ຂວາງ​ກັ້ນ​ຢູ່​ເຂດ​ຊາຍ​ແດນ ເພື່ອ​ເພີ່ມ​ຄວາມ​ແຮງໂຈມ​ຕີ​ ອາ​ຊະ​ຍາ​ກຳ​​ການ​ຫຼອກ​ລວງຜ່ານ​ທາງ​ໂທ​ລະ​ຄົມ​

ຕາມໜັງສືພິມບາງອອກໂພສຂອງໄທລາຍງານໃນວັນທີ 3 ມີນານີ້ວ່າ: ທ່ານ ຈີຣາຍຸດ ໂຄສົກສຳນັກງານນາຍົກລັດຖະມົນຕີໄທໄດ້ແຈ້ງໃຫ້ສື່ມວນຊົນຮູ້ໃນມື້ດຽວກັນວ່າ: ໄທຈະຄົ້ນຄວ້າຄວາມອາດເປັນໄປໄດ້ກ່ຽວກັບການສ້າງກຳແພງຂວາງກັ້ນຢູ່ບາງເຂດຊາຍແດນທີ່ຕິດກັບກຳປູເຈຍເພື່ອປ້ອງກັນບໍ່ໃຫ້ເກີດມີກໍລະນີຂ້າມຊາຍແດນຢ່າງຜິດກົດໝາຍ.

ທ່ານ ຈີຣາຍຸດ ກ່າວວ່າ: ການສ້າງກຳແພງຂວາງກັ້ນແມ່ນໜຶ່ງໃນບັນດາມາດຕະການຂອງໄທໃນການຮ່ວມກັບປະເທດບ້ານໃກ້ເຮືອນຄຽງດຳເນີນການໂຈມຕີຕໍ່ອາຊະຍາກຳການຫຼອກລວງຜ່ານທາງໂທລະຄົມ ເຊິ່ງມີຈຸດປະສົງເພື່ອມ້າງທຳລາຍເຄືອຂ່າຍການຫຼອກລວງຜ່ານທາງໂທລະຄົມຂະໜາດໃຫຍ່ທີ່ຢູ່ນອກປະເທດໄທ, ຜູ້ຖືກຫຼອກລວງຜ່ານທາງໂທລະຄົມລວມທັງປະຊາຊົນໄທຈຳນວນຫຼວງຫຼາຍ.