ຈັດກອງ​ປະ​ຊຸ​ມ​ຄັ້ງ​ທີ 14 ຂອງ​ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ຊຸດ​ທີ 14 ຢູ່​ນະ​ຄອນ​ຫຼວງ​ປັກ​ກິ່ງ

ຕອນເຊົ້າວັນທີ 24 ກຸມພານີ້, ກອງປະຊຸມຄັ້ງທີ 14 ຂອງຄະນະປະຈຳສະພາປະຊາຊົນແຫ່ງຊາດຈີນຊຸດທີ 14 ໄດ້ຈັດກອງປະຊຸມຄົບຄະນະຄັ້ງທຳອິດຢູ່ຫໍສະພາປະຊາຊົນແຫ່ງຊາດທີ່ນະຄອນຫຼວງປັກກິ່ງ ໂດຍການເປັນປະທານຂອງ ທ່ານຈ້າວເລີ້ຈີ້ ປະທານສະພາປະຊາຊົນແຫ່ງຊາດຈີນ.

ໜຶ່ງໃນໜ້າທີ່ສຳຄັນຂອງກອງປະຊຸມຄັ້ງນີ້ ແມ່ນການກະກຽມວຽກງານຕ່າງໆ ໃຫ້ແກ່ກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນຊຸດທີ 14. ກອງປະຊຸມໄດ້ຄົ້ນຄວ້າພິຈາລະນາຮ່າງບົດລາຍງານວຽກງານຂອງຄະນະປະຈຳສະພາປະຊາຊົນແຫ່ງຊາດຈີນ,    ຄົ້ນຄວ້າພິຈາລະນາຍັດຕິຂອງກອງປະຊຸມປະທານສະພາປະຊາຊົນແຫ່ງຊາດຈີນກ່ຽວກັບການໃຫ້ພິຈາລະນາຮ່າງວາລະກອງປະຊຸມ, ຮ່າງລາຍຊື່ຄະນະປະທານ ແລະ ເລຂາທິການໃຫຍ່, ຮ່າງລາຍຊື່ຜູ້ເຂົ້າຟັງກອງປະຊຸມ ແລະ ອື່ນໆຂອງກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນຊຸດທີ 14.