ເຈົ້າໜ້າທີ່ຕຳຫຼວດໄທໄດ້ຈັບຕົວຜູ້ຕ້ອງຫາທີ່ມີສ່ວນກ່ຽວຂ້ອງກັບຄະດີນັກສະແດງຈີນຖືກຫຼອກລວງ 10 ຄົນ
CGTN, February 17, 2025
Size：
ເຈົ້າໜ້າທີ່ຕຳຫຼວດໄທກ່າວໃນວັນທີ 14 ກຸມພານີ້ວ່າ: ໄທໄດ້ຈັບຕົວຜູ້ຕ້ອງຫາສັນຊາດຈີນທີ່ມີສ່ວນກ່ຽວຂ້ອງກັບຄະດີ ທ້າວ ຫວາງຊີ່ງ ນັກສະແດງຈີນຖືກຫຼອກລວງ 10 ຄົນພ້ອມທັງໄດ້ມອບໃຫ້ພາກສ່ວນຄຸ້ມຄອງຄົນເຂົ້າອອກເມືອງທ້ອງຖິ່ນ,ແລ້ວຈະສົ່ງເຂົາເຈົ້າກັບຄືນປະເທດຈີນ.
ເຈົ້າໜ້າທີ່ຕຳຫຼວດໄທໄດ້ອອກຖະແຫຼງການສະບັບໜຶ່ງໂດຍລະບຸວ່າ: ຜ່ານການສືບສວນ-ສອບສວນແລ້ວເຫັນວ່າ: ຜູ້ຕ້ອງຫາ 10 ຄົນທີ່ຖືກຈັບຕົວນັ້ນແມ່ນກຸ່ມກໍ່ອາຊະຍາກຳກຸ່ມໜຶ່ງທີ່ເຄື່ອນໄຫວແລະດຳເນີນການຫຼອກລວງຜ່ານທາງໂທລະຄົມຕໍ່ພົນລະເມືອງຈີນຢູ່ເຂດເມຍວາດີຂອງມຽນມາໃນໄລຍະຍາວນານມານີ້,ຖືກສົງໄສປອມຕົວເປັນພະນັກງານຂອງບໍລິສັດບັນເທີງແຫ່ງໜຶ່ງຂອງໄທແລ້ວດຳເນີນການຫຼອກລວງຕໍ່ທ້າວ ຫວາງຊີ່ງ ນັກສະແດງຈີນ. ຫຼັງຈາກກໍ່ຄະດີທ້າວ ຫວາງຊີ່ງ ແລ້ວ, ກຸ່ມຕ້ອງໂທດດັ່ງກ່າວມີແຜນຈະຜ່ານເມືອງໄທໜີໄປສູ່ກຳປູເຈຍ,ແຕ່ໄດ້ຖືກຈັບຕົວຢູ່ຫຼາຍແຫ່ງຂອງໄທຢ່າງເປັນລຳດັບ ແລ້ວຖືກຮ້ອງຟ້ອງຕໍ່ສານໃນຂໍ້ຫາເຂົ້າແດນໄທຢ່າງຜິດກົດໝາຍ.