ມຽນ​ມາ​ໄດ້​​ທຳ​ລາຍ​ສູນຫຼອກ​ລວງ​ຜ່ານ​ທາງ​ໂທ​ລະ​ຄົມຫຼາຍ​ແຫ່ງ ແລະ ຈັບ​ຕົວ​ຜູ້​ຖືກ​ສົງ​ໄສ​ຮ້ອຍກວ່າ​ຄົນ

ຕອນຄ່ຳວັນທີ 10 ກຸມພານີ້, ໜ່ວຍງານຖະແຫຼງຂ່າວຂອງຄະນະກຳມະການຄຸ້ມຄອງແຫ່ງຊາດມຽນມາເປີຍເຜີຍໃຫ້ຮູ້ວ່າ: ໃນວັນທີ 9 ກຸມພານີ້, ກອງທັບຄວາມໝັ້ນຄົງມຽນມາໄດ້ດຳເນີນການບັງຄັບໃຊ້ກົດໝາຍຢູ່ເຂດໄມແຢທາງພາກເໜືອລັດຊັນ, ໂດຍໄດ້ທຳລາຍສູນຫຼອກລວງຜ່ານທາງໂທລະຄົມອີກຄັ້ງ, ທັງຈັບຕົວຜູ້ຖືກສົງໄສທີ່ມີສ່ວນຮ່ວມໃນການຫຼອກລວງຜ່ານທາງໂທລະຄົມ ແລະການພະນັນຜ່ານທາງອິນເຕີເນັດຈຳນວນ 21 ຄົນ.

ຕາມຂ່າວລາຍງານວ່າ, ລະຫວ່າງວັນທີ 5-9 ກຸມພານີ້, ກອງທັບຄວາມໝັ້ນຄົງມຽນມາໄດ້ດຳເນີນການບັງຄັບໃຊ້ກົດໝາຍຢ່າງຕໍ່ເນື່ອງຢູ່ສະຖານທີ່ທີ່ກ່ຽວຂ້ອງ, ໂດຍໄດ້ທຳລາຍສູນຫຼອກລວງຜ່ານທາງໂທລະຄົມຫຼາຍແຫ່ງ, ຈັບຕົວຜູ້ຖືກສົງໄສທີ່ມີການກະທຳຜິດກົດໝາຍ ຄື: ການຫຼອກລວງຜ່ານທາງໂທລະຄົມ ແລະການພະນັນຜ່ານທາງອິນເຕີເນັດເປັນຕົ້ນຈຳນວນ 102 ຄົນ, ທັງໄດ້ຍຶດອຸປະກອນທີ່ໃຊ້ໃນການກະທຳທີ່ຜິດກົດໝາຍຈຳນວນຫຼວງຫຼາຍກັບທີ່.