ຂະບວນລົດໄຟ “ແສງດາວ・ແມ່ນ້ຳລ້ານຊ້າງ-ແມ່ນ້ຳຂອງ” ເປີດການເດີນທາງ ຖ້ຽວພິເສດໃນໄລຍະບຸນກຸດຈີນ
lmcchina.org, February 10, 2025
Size：
ບຸນກຸດຈີນປີ 2025 ແມ່ນປີທຳອິດຫຼັງຈາກບຸນກຸດຈີນຈັດເຂົ້າເປັນມໍລະດົກວັດທະນະທຳນາມມະທຳຂອງໂລກ. ເພື່ອສືບທອດ ແລະ ສົ່ງເສີມວັດທະນະທຳບຸນກຸດຈີນຢ່າງຕັ້ງໜ້າ ແລະ ເຜີຍແຜ່ໂຄສະນາຕໍ່ພາຍນອກ, ຂະບວນລົດໄຟ “ແສງດາວ・ແມ່ນ້ຳລ້ານຊ້າງ-ແມ່ນ້ຳຂອງ” ໄດ້ເປີດແລ່ນລົດຖ້ຽວພິເສດຕາມຫົວຂໍ້ “ປີທຳອິດຫຼັງຈາກເຂົ້າເປັນມໍລະດົກວັດທະນະທຳນາມມະທຳ・ແສງດາວສົ່ງຄວາມສຸກ” ທີ່ມີຄວາມໝາຍພິເສດ, ໄດ້ເຮັດໃຫ້ປະຊາຊົນຈີນ ແລະ ປະຊາຊົນລາວສຳຜັດກັບບຸນກຸດຈີນທີ່ມີບັນຍາກາດພິເສດ.
ໃນການເດີນທາງເປັນເວລາ 7 ວັນ 6 ຄືນ, ຂະບວນລົດໄຟ “ແສງດາວ・ແມ່ນ້ຳລ້ານຊ້າງ-ແມ່ນ້ຳຂອງ” ໄດ້ຈັດກິດຈະກຳ “ແສງດາວສົ່ງຕໍ່ຄວາມສຸກ” ທີ່ເຕັມໄປດ້ວຍຄວາມອົບອຸ່ນ ແລະ ຄວາມໝາຍພິເສດ. ໃນຕອນເລີ່ມຕົ້ນກິດຈະກຳ, ພະນັກງານລົດໄຟໄດ້ເຊີນຊວນຜູ້ໂດຍສານຮ່ວມກັນຂຽນຄຳອວຍພອນບຸນກຸດຈີນປີໃໝ່. ຜູ້ໂດຍສານພາກັນຈັບຟອຍຂຽນໜັງສືຈ້ຳນ້ຳມຶກຂຽນໜັງສື “福”. ເມື່ອຂະບວນລົດໄຟເດີນທາງໄປຮອດສະຖານີຫຼວງພະບາງປະເທດລາວ, ຜູ້ໂດຍສານຢູ່ເທິງລົດໄຟຖ້ຽວດັ່ງກ່າວໄດ້ມອບໜັງສື“福” ໃຫ້ປະຊາຊົນລາວທີ່ມາຕ້ອນຮັບ.
ເພື່ອໃຫ້ຜູ້ໂດຍສານສຳຜັດກັບມົນສະເໜ່ພິເສດຂອງວັດທະນະທຳທີ່ເປັນມູນເຊື້ອຂອງຈີນຢ່າງໃກ້ຊິດ, ຂະບວນລົດໄຟ “ແສງດາວ・ແມ່ນ້ຳລ້ານຊ້າງ-ແມ່ນ້ຳຂອງ” ຍັງໄດ້ເຊີນຜູ້ສືບທອດສີມືປັ້ນຮູບແປ້ງທີ່ເປັນມໍລະດົກວັດທະນະທຳນາມມະທຳມານຳເພື່ອສອນຜູ້ໂດຍສານປັ້ນຮູບແປ້ງ, ເຮັດໃຫ້ຜູ້ໂດຍສານມີຄວາມຮູ້ສຶກວ່າຕົນເອງພວມຢູ່ໃນຫໍສິລະປະມໍລະດົກວັດທະນະທຳນາມມະທຳແບບເຄື່ອນທີ່.