ງານວາງສະແດງການແຂ່ງຂັນສິນລະປະການອອກແບບສາກົນຂອງອົງການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງໄດ້ເປີດຢູ່ລາວ

ວັນທີ 27 ພະຈິກ, "ງານວາງສະແດງການແຂ່ງຂັນສິນລະປະການອອກແບບສາກົນຂອງອົງການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ" ໂດຍສູນພັດທະນາສື່ໂຄສະນາສາກົນຂອງກຸ່ມສຳນັກພິມສາກົນແຫ່ງຊາດຈີນ ແລະ ກະຊວງຖະແຫຼງຂ່າວວັດທະນະທຳແລະທ່ອງທ່ຽວລາວຈັດງານຮ່ວມກັນໄດ້ໄຂຂຶ້ນຢູ່ PARKSON LAOS.

ບັນດາຜົນງານທີ່ພົ້ນເດັ່ນໃນງານວາງສະແດງຄັ້ງນີ້ກວມເອົາຫຼາຍຮູບແບບເຊັ່ນ: ການອອກແບບກຣາຟິກ, ສິລະປະດີຈີຕອນ, ສິລະປະຈັດວາງ ແລະ ຮູບແບບອື່ນໆ, ສະແດງໃຫ້ເຫັນສະເໜ່ຂອງສິລະປະຮ່ວມສະໄໝແກ່ຜູ້ຊົມ ແລະ ສະແດງລັກສະນະວັດທະນະທຳອັນອຸດົມສົມບູນຂອງບັນດາປະເທດໃນລຸ່ມແມ່ນ້ຳລ້ານຊ້າງ-ແມ່ນ້ຳຂອງພາຍໃຕ້ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ. ຜູ້ຊ່ຽວຊານດ້ານວັດທະນະທຳ, ສິລະປິນໜຸ່ມ ແລະ ສື່ມວນຊົນຈາກປະເທດຈີນ ແລະ ລາວໄດ້ເຂົ້າຮ່ວມພິທີເປີດ ແລະ ຊົມງານວາງສະແດງ. ບັນດາແຂກກ່າວວ່າ, ງານວາງສະແດງໄດ້ສະແດງໃຫ້ເຫັນການຮ່ວມມືເຊີງເລິກດ້ານວັດທະນະທຳ ແລະ ສິລະປະລະຫວ່າງຈີນ-ລາວ, ແລະ ຄາດວ່າດ້ານສິລະປະແລະ ການອອກແບບຈະກາຍເປັນຂົວເຊື່ອມຕໍ່ສຳຄັນຂອງການແລກປ່ຽນວັດທະນະທຳລະຫວ່າງສອງປະເທດໃນອະນາຄົດ.

ງານວາງສະແດງຄັ້ງນີ້ຮອດວັນທີ 29, ແລະ ມີເປົ້າໝາຍເພື່ອຮັດແໜ້ນການແລກປ່ຽນດ້ານວັດທະນະທຳ-ສິລະປະລະຫວ່າງບັນດາປະເທດແມ່ນ້ຳລ້ານຊ້າງ-ແມ່ນ້ຳຂອງ, ຖືເປັນເວທີໃໝ່ສໍາລັບການພັດທະນາດ້ານສິລະປະຂອງບັນດາປະເທດຕາມເຂດແມ່ນ້ຳລ້ານຊ້າງ-ແມ່ນ້ຳຂອງ, ຊຸກຍູ້ວັດທະນະທຳການແລກປ່ຽນເຊິ່ງກັນແລະກັນ, ແລະ ການເຊື່ອມໂຍງລະຫວ່າງປະຊາຊົນ, ສົ່ງເສີມການຮ່ວມມືລະດັບພາກພື້ນແບບມີໄຊຊະນະຮ່ວມກັນ.