ປີ 2024 , ຊາວຕ່າງປະເທດທີ່ເຂົ້າເມືອງຈີນໂດຍຍົກເວັ້ນວີຊາມີຫຼາຍກວ່າ 20 ລ້ານເທື່ອຄົນ

ວັນທີ 14 ມັງກອນນີ້, ສຳນັກງານກວດຄົນເຂົ້າ-ອອກເມືອງແຫ່ງຊາດຈີນໄດ້ຈັດກອງປະຊຸມຖະແຫຼງຂ່າວ ໂດຍໄດ້ເປີດເຜີຍຂໍ້ມູນສຳຄັນກ່ຽວກັບວຽກງານກວດຄົນເຂົ້າ-ອອກເມືອງຂອງຈີນໃນປີ 2024.

ໃນປີ 2024, ສຳນັກງານກວດຄົນເຂົ້າ-ອອກເມືອງທົ່ວປະເທດຈີນໄດ້ກວດຄົນເຂົ້າ-ອອກເມືອງ 610 ລ້ານເທື່ອຄົນ, ເພີ່ມຂຶ້ນ 43,9% ເມື່ອທຽບໃສ່ໄລຍະດຽວກັນຂອງປີ 2023 ແລະ ໄດ້ກວດກາພາຫະນະເຂົ້າ-ອອກເມືອງລວມທັງໝົດ 32 ລ້ານ 5 ແສນ 6 ໝື່ນ 6 ພັນເທື່ອລຳ (ຫຼື ຂະບວນ, ຄັນ), ເພີ່ມຂຶ້ນ 38,8% ເມື່ອທຽບໃສ່ໄລຍະດຽວກັນຂອງປີ 2023. ຊາວຕ່າງປະເທດທີ່ເຂົ້າເມືອງຈີນໂດຍຍົກເວັ້ນວີຊາມີເຖິງ 20 ລ້ານ 1 ແສນ 1 ໝື່ນ 5 ພັນເທື່ອຄົນ, ເພີ່ມຂຶ້ນ 112,3% ເມື່ອທຽບໃສ່ໄລຍະດຽວກັນຂອງປີ 2023.