ມອບ-​ຮັບ​ໂຄງ​ການ​ສາ​ທິດ​ສ້າງ​ຜົນ​ປະ​ໂຫຍດ​ໃຫ້​ແກ່​ປະ​ຊາ​ຊົນ​ຢູ່​ຊົນ​ນະ​ບົດ ພາຍ​ໃຕ້​ຫົວ​ຂໍ້ “ການ​ເຄື່ອນ​ໄຫວ​ນ້ຳ​ສະ​ອາດ ການ​ພັດ​ທະ​ນາ​ແບບ​ສີ​ຂຽວ” ຂອງ​ປະ​ເທດ​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງຢູ່​ມຽນ​ມາ

ວັນທີ 27 ທັນວາ 2024, ໂຄງການສະໜອງນ້ຳປະປາ ແລະ ຮັບປະກັນນ້ຳດື່ມທີ່ປອດໄພຢູ່ບ້ານອາງດາ ນະຄອນຫຼວງເນປີດໍ ປະເທດມຽນມາ ທີ່ເປັນໂຄງການສາທິດສ້າງຜົນປະໂຫຍດໃຫ້ແກ່ປະຊາຊົນຢູ່ຊົນນະບົດໄລຍະ 2 ພາຍໃຕ້ຫົວຂໍ້ “ການເຄື່ອນໄຫວນ້ຳສະອາດ ການພັດທະນາແບບສີຂຽວ” ຂອງປະເທດແມ່ນ້ຳລ້ານຊ້າງ-ແມ່ນ້ຳຂອງ ເຊິ່ງສະໜັບສະໜູນໂດຍກອງທຶນສະເພາະກິດວ່າດ້ວຍການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຂອງລັດຖະບານຈີນໄດ້ຈັດພິທີມອບ-ຮັບຢ່າງເປັນທາງການ. ທ່ານລາໂມ（Hla Moe） ລັດຖະມົນຕີກະຊວງສະຫະກອນ ແລະ ພັດທະນາຊົນນະບົດມຽນມາ, ທ່ານ ທານຕຸນໂອ（Than Tun Oo） ປະທານຄະນະກຳມະການຄຸ້ມຄອງເຂດເນປີດໍທີ່ຂຶ້ນກັບສະຫະພາບໂດຍກົງ, ທ່ານໂອ່ວຢາງຕ້າວປິ່ງ ທີ່ເປິກສາສະຖານທູດຈີນປະຈຳມຽນມາ, ທ່ານ ເສີງເຢ້ນ ປະທານບໍລິສັດພະລັງງານປອດກາກບອນຂອງກຸ່ມບໍລິສັດລົງທຶນພະລັງໄຟຟ້າແຫ່ງຊາດ(ສາຂາມຽນມາ)ໄດ້ເຂົ້າຮ່ວມພິທີມອບ-ຮັບ ແລະ ມີຄຳເຫັນ. ມີຜູ້ຕາງໜ້າກະຊວງກົມກອງທີ່ກ່ຽວຂ້ອງຂອງມຽນມາ, ຜູ້ຕາງໜ້າວິສາຫະກິດຈີນປະຈຳມຽນມາຈຳນວນໜຶ່ງ ແລະ ປະຊາຊົນທ້ອງຖິ່ນລວມທັງໝົດ 200 ກວ່າຄົນໄດ້ເຂົ້າຮ່ວມພິທີຄັ້ງນີ້.

ໂຄງການດັ່ງກ່າວແມ່ນສະຖາບັນວິທະຍາສາດແມ່ນ້ຳຢາງເຊຄະນະກຳມະການຊັບພະຍາກອນນ້ຳແມ່ນ້ຳຢາງເຊກະຊວງຊັບພະຍາກອນນ້ຳຈີນເປັນຜູ້ປະສານງານ, ບໍລິສັດລົງທຶນພະລັງໄຟຟ້າສາກົນຢຸນນານຂອງກຸ່ມບໍລິສັດລົງທຶນພະລັງໄຟຟ້າແຫ່ງຊາດຈີນເປັນຜູ້ຮັບເໝົາກໍ່ສ້າງ.