ກຳປັ່ນປະຕິບັດກົດໝາຍແບບໃໝ່ສອງລຳເຂົ້າຮ່ວມການເຄື່ອນໄຫວລາດຕະເວນຮ່ວມເພື່ອປະຕິບັດກົດໝາຍຕາມລຳແມ່ນ້ຳຂອງລະຫວ່າງຈີນ-ລາວ-ມຽນມາ-ໄທ
CGTN, December 25, 2024
Size：
ວັນທີ 23 ທັນວານີ້, ອົງການປ້ອງກັນຄວາມສະຫງົບແຂວງຢຸນນານຈີນໄດ້ຈັດພິທີມອບຮັບກຳປັ່ນບັນຊາການແບບໃໝ່ 53108 ແລະ ກຳປັ່ນປະຕິບັດກົດໝາຍລາດຕະເວນຄວາມໄວສູງ 53117 ຢູ່ທ່າກຳປັ່ນຕຳຫຼວດຈິງຮ່າກິ່ງແຂວງສິບສອງພັ່ນນາ.
ການເຂົ້າຮ່ວມຂະບວນຢ່າງເປັນທາງການຂອງກຳປັ່ນປະຕິບັດກົດໝາຍແບບໃໝ່ສອງລຳດັ່ງກ່າວ ຈະສະໜອງສິ່ງຄ້ຳປະກັນດ້ານອາວຸດຍຸດໂທປະກອນທີ່ເຂັ້ມແຂງກວ່າເກົ່າໃຫ້ແກ່ການຊຸກຍູ້ການເຄື່ອນໄຫວລາດຕະເວນຮ່ວມເພື່ອປະຕິບັດກົດໝາຍຕາມລຳແມ່ນ້ຳຂອງລະຫວ່າງຈີນ-ລາວ-ມຽນມາ-ໄທໃຫ້ມີການພັດທະນາດ້ວຍຄຸນນະພາບສູງ ແລະ ການປາບປາມການກະທຳຜິດກົດໝາຍແລະອາຊະຍາກຳປະເພດຕ່າງໆ ເຊິ່ງເປັນຂີດໝາຍສະແດງໃຫ້ເຫັນວ່າ: ການເຄື່ອນໄຫວລາດຕະເວນຮ່ວມເພື່ອປະຕິບັດກົດໝາຍຕາມລຳແມ່ນ້ຳຂອງລະຫວ່າງ 4 ປະເທດດັ່ງກ່າວຈະກ້າວເຂົ້າສູ່ໄລຍະໃໝ່ແຫ່ງການພັດທະນາດ້ວຍຄຸນນະພາບສູງ.
ຕາມຂ່າວແຈ້ງໃຫ້ຮູ້ວ່າ: ກຳປັ່ນບັນຊາການແບບໃໝ່ 53108 ໄດ້ສຳເລັດການທົດລອງສັງລວມກ່ອນການເດີນເຮືອ, ສະມັດຕະພາບຕ່າງໆລ້ວນແຕ່ໄດ້ບັນລຸມາດຕະຖານການນຳໃຊ້ ແລະ ຈະເຂົ້າຮ່ວມການເຄື່ອນໄຫວລາດລາດຕະເວນຮ່ວມເພື່ອປະຕິບັດກົດໝາຍຕາມລຳແມ່ນ້ຳຂອງລະຫວ່າງ ຈີນ-ລາວ-ມຽນມາ-ໄທຄັ້ງທີ 148.
ແຫຼ່ງຂ່າວຈາກ: CGTN