ເຜີຍ​ແຜ່ບົດ​ລາຍ​ງານ​​ການຄົ້ນ​ຄວ້າ “​ການ​ຮ່ວມ​ມື​ດ້ານການ​ພັດ​ທະ​ນາ ​ແລະ ກຳ​ກັບ​ດູ​ແລ​ປັບ​ປຸງ​ປັນ​ຍາ​ປະ​ດິດ​ຈີນ-ອາ​ຊຽນ”

ວັນທີ 9 ທັນວານີ້, ງານສຳມະນາ “ການຮ່ວມມືດ້ານການພັດທະນາ ແລະ ກຳກັບດູແລປັບປຸງປັນຍາປະດິດຈີນ-ອາຊຽນ” ໄດ້ຈັດຂຶ້ນຢູ່ພະນົມເປັນປະເທດກຳປູເຈຍ. ກອງປະຊຸມໄດ້ເຜີຍແຜ່ບົດລາຍງານການຄົ້ນຄວ້າ “ການຮ່ວມມືດ້ານການພັດທະນາ ແລະ ກຳກັບດູແລປັບປຸງປັນຍາປະດິດຈີນ-ອາຊຽນ: ຕິດຕາມຄວາມຄືບໜ້າ ແລະຂໍ້ສະເໜີຊຸກຍູ້” ຢ່າງເປັນທາງການ.

ຜູ້ຊ່ຽວຊານ ແລະ ນັກວິຊາການທີ່ມາຈາກຈີນ ແລະ ປະເທດສະມາຊິກອາຊຽນໄດ້ລົງເລິກແລກປ່ຽນບົດຮຽນຫົວຂໍ້ຕ່າງໆກ່ຽວກັບການຮ່ວມມືດ້ານປັນຍາປະດິດ, ແລະປະກອບຄຳເຫັນເພື່ອສ້າງປະຊາຄົມຮ່ວມຊາຕາກຳຈີນ-ອາຊຽນທີ່ແໜ້ນແຟ້ນກວ່າເກົ່າ, ຊ່ວຍເຫຼືອ “ເຂດໂລກໃຕ້” ໃຫ້ໄດ້ຮັບຜົນປະໂຫຍດຢ່າງສະເໝີພາບໃນຂະບວນການພັດທະນາປັນຍາປະດິດ.

ມີຕົວເລກຂໍ້ມູນສະແດງໃຫ້ເຫັນວ່າ: ຄາດວ່າຮອດປີ 2030, ອັດຕາປະກອບສ່ວນຂອງປັນຍາປະດິດທີ່ມີຕໍ່ການເຕີບໂຕ GDP ຂອງອາຊຽນຈະມີເຖິງ 10% ຫາ 18%, ເຊິ່ງມີມູນຄ່າຫຼາຍກວ່າ 1.000 ຕື້ໂດລາສະຫະລັດ.