ກອງປະຊຸມເວທີເປິກສາຫາລືການຮ່ວມມືດ້ານກະສິກຳ,ປັດໄຈການຜະລິດກະສິກຳ ແລະເສດຖະກິດ-ການຄ້າ ແມ່ນ້ຳລ້ານຊ້າງ-ແມ່ນ້ຳຂອງ 2024 ຈັດຂຶ້ນຢູ່ກວາງຊີຈີນ
CGTN, December 11, 2024
Size：
ວັນທີ 4 ທັນວານີ້, ກອງປະຊຸມເວທີເປິກສາຫາລືການຮ່ວມມືດ້ານກະສິກຳ,ປັດໄຈການຜະລິດກະສິກຳ ແລະເສດຖະກິດ-ການຄ້າ ແມ່ນ້ຳລ້ານຊ້າງ-ແມ່ນ້ຳຂອງ 2024 ໄດ້ຈັດຂຶ້ນຢູ່ນະຄອນນານນິງເຂດປົກຄອງຕົນເອງເຜົ່າຈ້ວງກວາງຊີຈີນ. ເຈົ້າໜ້າທີ່ລັດຖະບານ, ຜູ້ຊ່ຽວຊານນັກວິຊາການ, ຜູ້ຕາງໜ້າຂະແໜງການກະສິກຳ ແລະວິສາຫະກິດຂອງປະເທດລຸ່ມແມ່ນ້ຳລ້ານຊ້າງ-ແມ່ນ້ຳຂອງທີ່ເຂົ້າຮ່ວມປະຊຸມໄດ້ລົງເລິກແລກປ່ຽນຄວາມເຫັນໂດຍປິ່ນອ້ອມຫົວຂໍ້ “ຊຸກຍູ້ການພັດທະນາແບບສີຂຽວ ແລະຍືນຍົງໃນດ້ານກະສິກຳ ແລະປັດໄຈການຜະລິດກະສິກຳຂອງພາກພື້ນແມ່ນ້ຳລ້ານຊ້າງ-ແມ່ນ້ຳຂອງ.”
ໃນກອງປະຊຸມດັ່ງກ່າວ, ແຂກຖືກເຊີນທີ່ມີກຽດໄດ້ລົງເລິກແລກປ່ຽນຄວາມເຫັນກ່ຽວກັບບັນຫາຕ່າງໆເຊັ່ນ: ຈີນ ແລະອາຊຽນ ໂດຍສະເພາະແມ່ນປະເທດລຸ່ມແມ່ນ້ຳລ້ານຊ້າງ-ແມ່ນ້ຳຂອງຮ່ວມກັນເພີ່ມທະວີການແລກປ່ຽນ ແລະການຮ່ວມມືດ້ານເຕັກນິກວິຊາການກະສິກຳ,ປັດໄຈການຜະລິດກະສິກຳ ແລະເສດຖະກິດ-ການຄ້າ, ຊຸກຍູ້ຜະລິດຕະພັນກະສິກຳ ແລະຜະລິດຕະພັນປັດໄຈການຜະລິດກະສິກຳໃຫ້ພັດທະນາຕາມທິດສີຂຽວແລະການນຳໃຊ້ແບບປະດິດສ້າງ, ຊຸກຍູ້ຕ່ອງໂສ້ອຸດສາຫະກຳ ແລະຕ່ອງໂສ້ການສະໜອງດ້ານກະສິກຳຂອງບັນດາຝ່າຍໃຫ້ເຊື່ອມໂຍງເຂົ້າກັນຢ່າງເລິກເຊິ່ງ ແລະ ພັດທະນາແບບຊ່ວຍຊູຍູ້ໜູນກັນ.
ໃນພິທີເຊັນສັນຍາ, ສະພາການຄ້າປັດໄຈການຜະລິດກະສິກຳຈີນ-ອາຊຽນກັບສະພາການຄ້າ ແລະ ອຸດສາຫະກຳແຫ່ງຊາດລາວໄດ້ລົງນາມໃນບົດບັນທຶກຄວາມເຂົ້າໃຈການຮ່ວມມື, ສອງຝ່າຍຈະຮ່ວມກັນເພີ່ມທະວີການຮ່ວມມືຢ່າງແໜ້ນແຟ້ນໃນດ້ານການຜະລິດ, ການຄ້າແລະການລົງທຶນດ້ານປັດໄຈການຜະລິດກະສິກຳພ້ອມດ້ວຍຜະລິດຕະພັນກະສິກຳເປັນຕົ້ນ, ພ້ອມທັງ ຮ່ວມກັນໃຫ້ການສະໜັບສະໜູນຕໍ່ການພັດທະນາກະສິກຳ, ປັດໄຈການຜະລິດກະສິກຳ, ເສດຖະກິດ-ການຄ້າ ແລະວິສາຫະກິດຂອງຈີນ, ລາວ ກໍຄືປະເທດອື່ນໆໃນອາຊຽນ.