ງານວາງສະແດງສິນຄ້າຈີນ-ອາຊຽນຄັ້ງທີ 21 ຈະຈັດຂຶ້ນຢູ່ນະຄອນນານນີງ ເຂດປົກຄອງຕົນເອງ ເຜົ່າຈ້ວງ ກວາງຊີຂອງຈີນລະຫວ່າງວັນທີ 24-28 ກັນຍານີ້

ງານວາງສະແດງສິນຄ້າຈີນ-ອາຊຽນຄັ້ງທີ 21 ຈະຈັດຂຶ້ນຢູ່ນະຄອນນານນີງ ເຂດປົກຄອງຕົນເອງ ເຜົ່າຈ້ວງ ກວາງຊີຂອງຈີນລະຫວ່າງວັນທີ 24-28 ກັນຍານີ້. ງານວາງສະແດງຄັ້ງນີ້ມີຫົວຂໍ້ວ່າ: ສະໜິດສະໜົມ, ຈິງໃຈ, ໃຫ້ຜົນປະໂຫຍດ ແລະ ກວມລວມເພື່ອພ້ອມກັນພັດທະນາ, ປະດັບເພັດເປັນມົງກຸດສ້າງອະນາຄົດໃໝ່: ຊຸກຍູ້ການສ້າງເຂດການຄ້າເສລີຈີນ-ອາຊຽນ 3.0 ແລະ ການພັດທະນາພາກພື້ນທີ່ມີຄຸນນະພາບສູງ, ມະເລເຊຍເປັນປະເທດກິຕິມະສັກ. ເນື້ອທີ່ການວາງສະແດງກວມເກືອບ 2 ແສນຕາແມັດ, ມີວິສາຫະກິດຫຼາຍກວ່າ 3.000 ແຫ່ງເຂົ້າຮ່ວມ, ພ້ອມນັ້ນ, ຍັງຈະຈັດກິດຈະກຳທາງການເມືອງ ແລະ ກິດຈະກຳທາງເສດຖະກິດການຄ້າຕ່າງໆ.

ນອກຈາກນີ້ແລ້ວ, ກອງປະຊຸມສຸດຍອດການຄ້າ ແລະ ການລົງທຶນຈີນ-ອາຊຽນຄັ້ງທີ 21 ຈະຈັດຂຶ້ນຢູ່ນະຄອນນານນີງລະຫວ່າງວັນທີ 24-25 ກັນຍານີ້. ກອງປະຊຸມສຸດຍອດຄັ້ງນີ້ຈະເປິກສາຫາລືໂດຍປີ່ນອ້ອມທ່ວງທ່າໃໝ່, ຄວາມຕ້ອງການໃໝ່ ແລະ ຈຸດພິເສດໃໝ່ຂອງການຮ່ວມມືໃນປັດຈຸບັນນີ້ລະຫວ່າງຈີນ-ອາຊຽນ, ສຸມໃສ່ຂົງເຂດທີ່ໄດ້ຮັບຄວາມສົນໃຈຫຼາຍທີ່ສຸດ ເຊັ່ນ: ການສ້າງຊ່ອງທາງທາງບົກ-ທາງທະເລເສັ້ນໃໝ່ຢູ່ພາກຕາເວັນຕົກຂອງຈີນ, ກຳລັງການຜະລິດທີ່ມີຄຸນນະພາບໃໝ່, ເສດຖະກິດສີຂຽວ ແລະ ອື່ນໆ.